Jeremia 10:20 - Pennsylvania Dutch Bible

²⁰ Unsah tents sinn fadauva; di shtrikk sinn farissa. Unsah kinnah sinn awl fatt ganga. 'Sis nimmand ivvahrich fa unsah tents viddah uf du, un fa di curtains viddah ufhenka.

Jeremia 10:20 ပူးပေါင်းရင်းမြစ်များ

Hiob 7:8

Es awk es mich saynd zayld mich nimmi sayna, dei awwa gukka fa mich, avvah ich zayl nimmi sei.

Shpricha 12:7

Di gottlohsa vadda kshtatzt un zayla nimmi sei, avvah's haus funn di gerechta shtayt shtandhaftich.

Jesoiya 51:16

Ich habb mei vadda in dei maul gedu, un dich fashtekkeld im shadda funn mei hand. Ich habb di himla in da blatz gedu un da grund glaykt fa di eaht, un binn sellah es sawkt zu Zion, ‘Diah sind mei leit.’”

Jesoiya 51:18

Funn awl iahra kinnah es see geboahra hott, voah's nimmand fa see fiahra. Es voah nimmand fa see nemma bei di hand, unnich awl di kinnah es see ufgezowwa hott.

Jesoiya 54:2

“Mach da blatz funn deim tent graysah, shtrekk di curtains ausnannah, hayb si nett zrikk. Mach di shtrikk lengah, un di shtikkel shteikah.

Jeremia 30:17

Avvah ich zayl dich ksund macha un dich hayla vo du vay dusht,’ sawkt da Hah, ‘veil du nix gezayld bisht, un nimmand gebt ebbes um Zion.’

Jeremia 31:15

Dess is vass da Hah sawkt: “En shtimm is keaht in Rama, en grohs veines un heiles; es is di Rachel am heila fa iahra kinnah, un see lost sich nett gedraysht sei, veil iahra kinnah nimmi do sinn.”

Jeremia 4:20

Fadauves noch fadauves, es gans land leit fadauva. Bletzlich sinn mei tents fadauva vadda, un mei curtains alles farissa.

Glawk-Leedah 1:5

Selli geyyich see sinn nau ivvah see, 's gayt goot mitt iahra feinda. Da Hah hott dreebsawl uf see gebrocht, deich iahra feel sinda. Iahra kinnah sinn kfanga un vekk gnumma, kohva bei iahra feinda.

Micha 2:9

Diah dreivet di veibsleit funn mei leit aus iahra goodi haymeda. Diah nemmet mei hallichkeit vekk funn iahra kinnah fa'immah.