Jeremia 10:2 - Pennsylvania Dutch Bible

² Dess is vass da Hah sawkt: “Diah sellet nett di heida iahra vayya lanna, adda eich feicha veyyich di zaycha im himmel, so vi di heida sich feicha.

Jeremia 10:2 ပူးပေါင်းရင်းမြစ်များ

1. Mosi 1:14

No hott Gott ksawt, “Loss lichtah in di shpann fumm himmel sei fa da dawk un di nacht funn-nannah halda. Si sella zaycha sei fa di zeida fumm yoah, di dawwa, un di yoahra meika.

Jeremia 10:1

Heichet ab vass da Hah sawkt zu eich, diah fumm haus funn Israel.

Ezekiel 20:32

Diah sawwet, “Miah vella sei vi di heida, vi di leit in anri lendah, un vella hols un shtay ohbayda.” Avvah vass diah im sinn hend zayld nee nett blatz nemma.

3. Mosi 18:3

Diah sellet nett du vi si doon in Egypta, vo diah als gvoond hend. Un diah sellet aw nett du vi si doon in Kanaan, vo ich am eich anna bringa binn. Doond nett iahra vayya nohch gay.

3. Mosi 20:23

Diah sellet nett lawfa in di vayya funn di heida es ich ausdreiva zayl fannich eich. Veil si awl dee shandlichi sacha gedu henn, sinn si miah ayklich vadda.

5. Mosi 18:9

Vann diah in's land gaynd es da Hah eiyah Gott am eich gevva is, dann sellet diah nett lanna fa di shreklicha sacha du es di heida doon datt.

Richtah 6:10

Ich habb ksawt zu eich, “Ich binn da Hah, eiyah Gott. Deenet nett di gettah funn di Amoriddah, dee vo im land voahra vo diah nau drinn voonet.” Avvah diah hend miah nett keicht.’”