Jeremia 1:12 - Pennsylvania Dutch Bible

¹² Da Hah hott ksawt zu miah, “Du hosht recht ksenna, ich binn am vatsha, fa sayna es mei vatt gedu vatt.”

Jeremia 1:12 ပူးပေါင်းရင်းမြစ်များ

Jesoiya 55:11

grawt so is mei vatt es aus meim maul gayt: Es kumd nett zrikk leah, avvah's richt aus vass ich havva vill, un dutt vass ich's kshikt habb difoah.

Jeremia 1:13

Em Hah sei vatt is viddah zu miah kumma un hott kfrohkt, “Vass saynsht du?” Ich habb ksawt, “Ich sayn en kessel am kocha es shebb shtayt, vekk funn di natt.”

Jeremia 24:3

No hott da Hah mich kfrohkt, “Vass saynsht du, Jeremia?” Ich habb ksawt, “Ich sayn feiya. Di gooda sinn oahrich goot, avvah di shlechta sinn so shlecht es ma si nett essa kann.”

Jeremia 31:28

Un grawt vi ich ivvah si gvatsht habb fa si aus di vatzel zeeya un si nunnah reisa, fa si ivvah-shmeisa un si fadauva un zu nix bringa, so zayl ich ivvah si vatsha fa si ufbauwa un ivvah blansa,” sawkt da Hah.

Ezekiel 12:25

Avvah, ich da Hah, zayl sawwa vass ich vill un's zayld grawt voah kumma. In eiyah zeit, du fashtokt haus, zayl ich voah kumma macha vass-evvah es ich sawk. So sawkt da Awlmechtich Hah.’”

Ezekiel 12:28

So sawk zu eena, ‘Dess is vass da Awlmechtich Hah sawkt: Di vadda es ich sawk zayla nimmi lengah naus gedu vadda, avvah vass ich sawk zayld gedu vadda.’” So sawkt da Awlmechtich Hah.

Amos 8:2

“Vass saynsht du, Amos?” hott eah kfrohkt. “En koahb foll zeidich frucht,” habb ich ksawt. No hott da Hah ksawt zu miah, “Es end is do fa mei leit Israel; ich hayb nimmi zrikk funn si shtrohfa.

Lukas 10:28

Jesus hott ksawt, “Du hosht recht ksawt; du dess un du solsht layva.”

Lukas 20:39

Samm funn di shrift-geleahrah henn no ksawt, “Meishtah, sell is en goot andvat.”

5. Mosi 18:17

No hott da Hah ksawt, “Vass si sawwa is goot.

5. Mosi 32:35

'Sis an meim blatz fa auseeva; ich zayl si zrikk betzawla. Di zeit kumd vann iahra foos shlibt; iahra dawk funn shreklichi sacha is nayksht, un iahra shtrohf is shteik am kumma.”

5. Mosi 5:28

Da Hah hott eiyah vadda keaht vo diah kshvetzt hend zu miah un eah hott no ksawt zu miah, “Ich habb di vadda keaht funn dee leit es si ksawt henn zu diah. Vass si ksawt henn is goot.