Jakobus 5:5 - Pennsylvania Dutch Bible

⁵ Diah hend uf di eaht glaybt in blesiah un sind eiyahm falusht nohch ganga. Diah hend eiyah hatza fett gmacht es vi im shlacht-dawk.

Jakobus 5:5 ပူးပေါင်းရင်းမြစ်များ

Psalm 17:14

Mitt dei hand, oh Hah, hald mich funn sohwichi mennah; funn veldlichi mennah es iahra dayl greeya in demm layva. Du filsht iahra bauch mitt vass du ufkshtoaht hosht fa si; un gebsht iahra kinnah aw genunk, un losht samm ivvahrich fa iahra kinds-kinnah.

Psalm 73:7

Si sinn so fett es iahra awwa raus shtayn, un si doon yusht vass eena kfald.

Shpricha 17:1

'Sis bessah fa en drukkani grusht broht havva mitt fridda, es vi en haus foll leit am essa mitt shtreit.

Shpricha 7:14

“Ich habb dank-opfahra macha missa, un heit habb ich mei fashprechnis kalda.

Breddichah 11:9

Sei fraylich, yungah mann, diveil es du yung bisht; loss dei hatz dich froh macha diveil es du yung bisht. Du vass glushtich is zu deim hatz, un vass-evvah es dei awwa sayna, avvah fagess nett es Gott dich richta zayld fa awl dess.

Jesoiya 22:13

Avvah in blatz funn sell sind diah fraylich un am en goodi zeit havva, diah sind am kee un shohf shlachta, am flaysh essa un vei drinka. Diah sawwet, “Vella essa un drinka, fa meiya mechta miah shtauva!”

Jesoiya 3:16

Da Hah sawkt, “Di veibsleit funn Zion sinn shtols, si lawfa mitt iahra kebb in di hay, un mitt lusht in di awwa, si lawfa rumm mitt katzi shritt, un macha di rings klingla an iahra fees.

Jesoiya 47:8

Nau dann, heich moll zu demm, du es blesiah gleichsht, du es aus di kfoah hoksht, un sawksht in deim hatz, ‘Ich binn, un's is nimmand vi mich. Ich zayl nee kenn vitt-fraw sei, adda mei kinnah faliahra.’

Jesoiya 56:12

Yaydahs funn eena greisht, “Kummet, vella vei greeya! Vella uns foll saufa! Meiya zayld sei vi heit, adda even bessah.”

Jeremia 12:3

Doch, du kensht mich, oh Hah; du saynsht mich un broviahsht di gedanka in meim hatz veyyich diah. Shlayf si vekk vi shohf es gebutshaht vadda! Setz si raus fa da shlacht-dawk!

Jeremia 25:34

Brillet diah shohf-heedah, un heilet; rollet eich in di esh, diah foah-gengah funn di drubb. Eiyah zeit fa kshlacht sei is kumma; diah zaylet falla un fabrocha sei vi keshtlich ksha.

Ezekiel 16:49

Nau dess is di sind funn dei shveshtah Sodom: See un iahra shveshtahra voahra shtols. Si henn zu feel gessa un voahra unbekimmaht un henn di oahma un selli in noht nett kolfa.

Ezekiel 39:17

Mensha-kind, dess is vass da Awlmechtich Hah sawkt: Shvetz zu alli sadda fekkel un diahra im feld un sawk eena, ‘Fasamlet eich un kummet zammah funn ivvahrawlich bei zumm opfah es ich am rishta binn fa eich. Dess is es grohs opfah uf di berga funn Israel, un datt zaylet diah flaysh fressa un bloot drinka.

Amos 6:1

Vay zu eich es unbekimmaht sinn in Zion, un zu selli es sich falossa uf da Berg Samaria, diah evvahshti mennah funn demm evvahsht land, es di Kinnah-Israel ditzu kumma!

Lukas 16:19

“Es voah moll en reichah mann es feini, purpeli glaydah gvoahra hott vo gmacht voahra aus fei duch. Eah hott alli dawk grohsi essa gmacht un hott reichlich glaybt.

Lukas 16:25

Avvah da Abraham hott ksawt, ‘Mei sohn, denk droh es in dei layves-zeit hosht du awl di goodi sacha katt un da Lazarus awl di shlechta. Nau is eah gedraysht un du bisht am leida un deich macha.

Römer 13:13

Vella uns ksheit ohshikka vi ma dutt deich da dawk, un nett fressa un saufa, nett aybrecha un lushta, nett shtreida un fagunna.

1. Timotheus 5:6

Avvah ayni es laybt fa blesiah is doht diveil es see am layva is.

2. Timotheus 3:4

Si kenna nett gedraut sei, sinn foah-vitzich, ufgeblohsa un gleicha blesiah may es Gott.

2. Petrus 2:13

Si vadda betzawld mitt em lohn funn ungerechtichkeit. Si zayles en blesiah fa im hella dawk iahra lusht ausdrawwa. Si sinn drekkichi blakka, shandlichi flekka, un gleicha eich fafiahra diveil es si essa mitt eich.

Judas 1:12

Si sinn drekkichi blakka an eiyah leebensmawl vann si als essa mitt eich, un feedra yusht sich selvaht unni furcht. Si sinn volka unni vassah, gedrivva bei em vind; si sinn baym unni obsht im shpoht-yoah, zvay moll doht un raus gezowwa bei di vatzla.

Di Offenbarung 18:7

Gevvet iahra so feel shmatza un druvvel zrikk es see sich selvaht hallichkeit un lushtheit gevva katt hott. In iahra hatz braekt see, ‘Ich binn en kaynich-fraw; ich binn kenn vitt-fraw un zayl nee nett dreebsawl sayna.’

1. Samuel 25:36

Vo di Abigail zumm Nabal ganga is, voah eah in seim haus am en grohs essa havva vi en kaynich. Eah voah in en goodah moot un voah oahrich ksoffa. So hott see eem nix ksawt biss da neksht meiya.

1. Samuel 25:6

Sawwet zu eem, ‘Da Dawfit vinsht diah en lang layva, un fridda sei zu diah, dei haus un alles es du hosht.