Jakobus 5:4 - Pennsylvania Dutch Bible

⁴ Heichet moll, da lohn funn di shaff-leit vo eiyah feldah gmayt henn, un es diah nett betzawld henn, is am naus greisha geyyich eich. Un di shaff-leit iahra roofes langd nuff zu di oahra fumm Awlmechticha Hah.

Jakobus 5:4 ပူးပေါင်းရင်းမြစ်များ

1. Mosi 4:10

Da Hah hott ksawt, “Vass hosht du gedu? Di shtimm funn deim broodah sei bloot is am naus roofa zu miah fumm grund.

Hiob 34:28

Deich si henn di oahma missa zu eem roofa fa hilf, un eah hott selli keaht es in noht voahra.

Hiob 7:2

Es is vi en gnecht es en falanga hott fa in da shadda gay, adda vi en gnecht es am voahra is fa sei lohn greeya.

Psalm 9:12

Fa deah vo ayva kumd mitt di bloot-fageesah, fagest nett; eah fa'acht nett selli es leida un naus roofa.

2. Mosi 22:27

veil sei glayt's aynsisht ding is es eah hott fa sei leib zu dekka. Vass soll eah shlohfa drinn? Vann eah naus rooft zu miah dann heahrich een, fa ich binn bamhatzich.

2. Mosi 3:9

Un nau is dess geroof fa hilf funn di Israeliddah zu miah kumma, un ich habb ksenna vi shreklich es di Egyptah si leida macha.

Jesoiya 1:9

Vann da Awlmechtich Hah nett samm leit ivvahrich glost hett, dann veahra miah vi Sodom; miah veahra vadda vi Gomorra.

Jesoiya 5:7

Da vei-goahra fumm Awlmechticha Hah, is es haus funn Israel, un di mennah funn Juda sinn di blansa es eem kfellich sinn. Eah hott gegukt fa leit iahra recht, avvah hott yusht iahra fagossa bloot ksenna; un fa gerechtichkeit, avvah hott si yusht keaht greisha fa hilf.

Jesoiya 5:9

Zu mei oahra hott da Awlmechtich Hah ksawt: “Awl di grohsa heisah zayla geviss faveesht vadda, un di shayni feini heisah zayla leah shtay.

Jeremia 22:13

“Vay zu sellah es sei kaynich-haus baut mitt ungerechtichkeit, sei evvahshti shtubba mitt uneahlichkeit, sellah es sei leit macht shaffa fa nix, un betzawld si nett fa iahra eahvet.

3. Mosi 19:13

Du solsht dei nochbah nett uneahlich yoosa adda rawva. Hald nett da lohn funn dei gnecht zrikk biss da neksht dawk.

Habakuk 2:11

Di shtay in di vand roofa naus, un di balka un's hols zayla andvat gevva.

Maleachi 3:5

“No kumm ich zu eich fa eich richta. Un ich zayl shnell zeiya geyyich di zaubahrah, di aybrechah, un geyyich di falshi zeiyah, un geyyich selli es da lohn zrikk hayva funn iahra gnechta, un selli es di vitt-veivah, di kinnah unni eldra un di fremda nunnah dredda—dee es kenn furcht henn funn miah,” sawkt da Awlmechtich Hah.

Matthäus 9:37

No hott eah ksawt zu sei yingah, “Di eahn is grohs, avvah's sinn nett feel shaff-leit fa helfa.

Lukas 18:7

Zayld nett Gott geduldich sei un selli helfa vo sei sinn, selli vo bayda zu eem dawk un nacht?

Römer 9:29

Da Jesaia hott ksawt katt difoah, “Vann da Awlmechtich Hah uns nett samm sohma ivvah-glost hett, dann veahra miah vadda vi Sodom un gleichlich vi Gomorra.”

5. Mosi 15:9

Gevvet acht es diah kenn shlechti gedanka hend un sawwet in eiyah hatz, “Es sivvet yoah, es yoah fa shulda abshreiva is nayksht,” un diah sind no nett freindlich zu eiyah oahmah broodah un gevvet eem nix. Eah mecht roofa zumm Hah geyyich eich un diah sind sinda shuldich.

Kolosser 4:1

Diah meishtah, gevvet zu eiyah gnechta vass recht un goot is, fa diah visset es diah aw en Meishtah im Himmel hend.