Jakobus 1:14 - Pennsylvania Dutch Bible

¹⁴ Avvah alli-ebbah is fasucht vann eah deich sei ayknah lusht vekk gezowwa vatt un eigebt ditzu.

Jakobus 1:14 ပူးပေါင်းရင်းမြစ်များ

1. Mosi 3:6

Un vo di fraw ksenna hott es di frucht fumm bohm goot voah fa ess-sach, shay voah zu di awwa, un en falanga gebt fa veisheit greeya; hott si gnumma funn di frucht un hott gessa difunn. See hott aw samm zu iahra mann gevva es bei iahra voah, un eah hott gessa.

1. Mosi 6:5

Da Hah hott no ksenna vi grohs es di ungerechtichkeit voah in mensha uf di eaht, un es iahra gedanka fumm hatz yusht evil voahra di gans zeit.

1. Mosi 8:21

Un da Hah hott en leeblichah kshmakk kshmakt, un hott ksawt zu sich selvaht, “Ich vill nee nimmi di eaht faflucha deich da mensh, even vann di gedanka fumm mensh sei hatz evil sinn funn yungem uf. Ich vill nee nimmi alles levendiches doht macha vi ich gedu habb.

2. Samuel 11:4

Da Dawfit hott no leit kshikt fa see hohla. See is zu eem kumma un eah hott kshlohfa mitt iahra. Noch demm es see sich rein gmacht hott funn iahra unreinichkeit is see viddah haym ganga.

Hiob 31:27

un mei hatz is no ivvah-gnumma mitt demm, un ich habb si geaht mitt en kuss funn mei hand,

Hiob 31:9

Vann deich en veibsmensh mei hatz glusht hott, adda vann ich gvoaht habb an mei nochbah sei deah,

Shpricha 4:23

Ovvich alles shunsht, heet dei hatz, fa dei layves-lawf kumd funn vass im hatz is.

Jesoiya 44:20

Eah feedaht sich mitt esh, sei fafiaht hatz drayt een vekk. Eah kann sich selvaht nett saylich macha un sawwa, “Is dess ding in mei rechtsi hand nett en leek?”

Hosea 13:9

Israel, du zaylsht umkumma, veil du geyyich mich bisht, deah es diah helft.

Matthäus 15:18

Avvah vass aus em maul raus kumd, kumd fumm hatz, un sell is vass en mann unrein macht.

Matthäus 15:20

Dee sacha sinn vass en mensh unrein macht, avvah fa essa unni di hend vesha macht en mensh nett unrein.”

Matthäus 4:1

Da Geisht hott no Jesus in di vildahnis kfiaht so es da Deivel een ausbroviahra kann.

Matthäus 5:28

Avvah ich sawk eich, ennich ebbah es en veibsmensh glushtich ohgukt hott shund di ay gebrocha in sei hatz.

Römer 7:11

Di sind hott gleyyaheit gnumma deich's gebott, hott mich fafiaht, un deich's gebott, hott mich doht gmacht.

Römer 7:13

Maynd sell dann vass goot is hott mei doht gebrocht? Ich denk avvah nett! Es voah di sind. Bei sell yoosa vass goot is, hott di sind da doht zu miah gebrocht, so es di sind gekend vatt fa en sind. Dess is so es di sind ivvahraus sindlich vatt deich's gebott.

Epheser 4:22

So layyet nau ab funn eich da ald mensh un da ald vayk vass diah eahshtah als gloffa sind drinn, deah vo fafiaht un fadaubt deich lusht.

Hebräer 3:13

Avvah famohnet nannah alli dawk, so lang es es noch heit hayst, so es diah nett shteibahrich vaddet deich di fafiahrichkeit funn sinda.

Jakobus 1:13

Loss nimmand sawwa vann eah fasucht vatt, “Gott is am mich fasucha.” Fa Gott kann nett fasucht vadda mitt evil, un eah fasucht aw nimmand.

Jakobus 1:15

Un vann da lusht een moll kfanga hott, no vatt di sind geboahra; un vann di sind moll folkumma is, no bringd see da doht.