Hosea 9:12 - Pennsylvania Dutch Bible

¹² Even vann diah kinnah uf zeeyet, dann nemm ich si vekk funn eich, biss nimmand ivvahrich is. Vay zu eich, vann ich moll vekk dray funn eich!

Hosea 9:12 ပူးပေါင်းရင်းမြစ်များ

2. Kaynicha 17:18

So voah da Hah oahrich zannich mitt Israel, un eah hott si vekk funn sich gedrivva. So voah nix may ivvahrich es di shtamm funn Juda.

2. Kaynicha 17:23

biss da Hah si endlich vekk kshtohsa hott funn sei ksicht, so vi eah si gvand katt hott deich awl sei gnechta di brofayda. So voahra di leit funn Israel vekk gnumma funn iahra land un voahra an Assyria gnumma. Datt sinn si alsnoch heit.

Hiob 27:14

Even vann eah feel kinnah hott, doch zayla si umkumma bei em shvatt, sei nohch-kummashaft zayld nett satt vadda mitt broht.

Jeremia 15:7

Ich zayl si dresha mitt en dresha-gavvel, an alli shtatt-doah im land. Ich mach si heila bei iahra kinnah vekk nemma, ich mach mei leit doht, veil si sich nett bekeaht henn funn iahra vayya.

Jeremia 6:8

Nemm dee vanning, oh Jerusalem, adda ich dray mich vekk funn diah un mach dich in en veesht land es nimmand drinn voona kann.”

Glawk-Leedah 2:20

Gukk moll, oh Hah, un denk drivvah, veah hosht du selayva kshtrohft vi dess? Sedda di veibsleit iahra kinnah essa, di kinnah es si acht gevva henn druff? Sett da preeshtah un da brofayt doht gmacht sei im tempel fumm Hah?

Glawk-Leedah 2:22

Du hosht mei feinda bei groofa es vi uf en fesht-dawk; si sinn geyyich mich kumma funn alli seit. Im dawk fumm Hah sei zann is nimmand vekk kumma adda ivvahrich geblivva. Selli es ich gedrawwa un ufgezowwa habb, henn mei feinda gans ausgrivva.

Hosea 7:13

Vay zu eena, veil si vekk gloffa sinn funn miah! Si kumma folshtendich um veil si sich geyyich mich kshteld henn! Ich dayt gleicha si zrikk kawfa, avvah si sawwa leeya geyyich mich.

Hosea 9:13

Ich habb Ephraim ksenna, geblanst in en shaynah blatz vi Tyrus. Avvah nau muss Ephraim iahra kinnah raus bringa fa kshlachta vadda.”

Hosea 9:16

Da Ephraim is kshlauwa, sei vatzla sinn ufgedrikkeld, un si gevva kenn frucht. Even vann si kinnah henn, dann bring ich iahra beleebdi kinnah um.”

Maleachi 2:12

Loss alli mann es dess dutt, veah-evvah es es is, abkshnidda sei fumm Jakob sei tents beim Hah—even vann eah opfahra bringd zumm Awlmechticha Hah.

4. Mosi 14:34

Fa fatzich yoah, ay yoah fa alli dawk es diah's land ausksucht hend, zayla diah eiyah shuld drawwa. No finnet diah aus vi's is vann ich geyyich eich binn.’

4. Mosi 26:65

Fa da Hah hott selli Israeliddah ksawt katt es si zayla shtauva in di vildahnis, un nett ayns funn eena voah ivvahrich vi yusht da Kaleb, em Jephunne sei boo, un da Joshua, em Nun sei boo.

5. Mosi 28:18

Di frucht funn eiyah muddahs-leib zayld faflucht sei, un's frucht funn eiyah grund, un's frucht funn eiyah kee un shohf.

5. Mosi 28:32

Eiyah boova un mayt vadda zu en annah folk gevva diveil es diah vatshet, un eiyah awwa gukka mitt falanga fa si dawk noch dawk, avvah diah kennet nix du diveyya.

5. Mosi 31:17

An selli zeit vatt mei zann hays geyyich si un ich zayl si falossa. Ich fashtekkel mei ksicht funn eena un si kumma zu nix. Feel veeshti sacha un druvla zayla uf si kumma, un no zayla si frohwa, ‘Sinn nett dee evili sacha uf uns kumma veil unsah Gott nimmi bei uns is?’

5. Mosi 32:25

Draus im uffena kumma si um mitt em shvatt, un inseit sinn si shreklich fagelshtaht. Yungi mennah un mayt kumma um, un aw di boblen un groh-hoahrichi mennah.

Richtah 4:16

Avvah da Barak is awl di greeks-veyya un greeks-leit nohch ganga so veit es di shtatt Haroseth funn di Heida. Un awl di greeks-leit fumm Sisera sinn umkumma beim shvatt, nett aynah voah ivvahrich glost.

1. Samuel 16:14

Nau da Geisht fumm Hah is fumm Saul ganga, un en evilah geisht, kshikt fumm Hah, hott een geblohkt.