Hosea 7:16 - Pennsylvania Dutch Bible

¹⁶ Si bekeahra sich, avvah gukka nett zumm Alli-Haychshta; si sinn vi en grummah bow. Iahra evvahshti zayla falla bei em shvatt, veil si so hohch-oahrich kshvetzt henn. Deich dess zayld Egypta-Land si fashpodda.”

Hosea 7:16 ပူးပေါင်းရင်းမြစ်များ

Psalm 12:3

Da Hah zayld awl gladdi leftz shtobba, un alli zung es braekt,

Psalm 12:4

un sawkt, “Mitt unsah zung greeya miah vass miah vella; miah aykna unsah leftz, veah kann ivvah uns sei?”

Psalm 12:5

Avvah da Hah sawkt, “Veil di shvacha nunnah gedredda sinn, un selli mitt noht am yammahra sinn, nau shtayn ich uf. Ich zayl hilf gevva zu eena, sell vass si en falanga henn difoah.”

Psalm 17:10

Si henn iahra haddi hatza zu gmacht; iahra meilah shvetza shtolsi vadda.

Psalm 52:2

Dei zung macht shawda; si is vi en shaufah raysah, du fafiahrah.

Psalm 57:4

Ich lei mitt mei sayl unnich vildi layb, selli es mensha-kinnah fressa. Iahra zay sinn shpiahs un arrows, un iahra zunga shaufi shvadda.

Psalm 73:9

Si shvetza geyyich Gott im himmel mitt iahra meilah, un gevva shtolsi gebodda zu mennah uf di eaht mitt iahra zunga.

Psalm 78:37

Iahra hatza voahra nett shtandhaftich zu eem, si henn sei bund nett ufrichtich kalda.

Psalm 78:57

Avvah si henn zrikk gedrayt un voahra nett shtandhaftich, grawt vi iahra foah-feddah nett voahra. Si henn so vennich gedraut sei kenna es en shlechtah bow.

Jesoiya 3:8

Yau, Jerusalem is kshtolbaht, un Juda is kfalla; iahra vadda un sell vass si doon is geyyich da Hah. Si shtella sich uf geyyich sei hallichkeit.

Jeremia 18:18

Si henn ksawt, “Kummet, vella ausmacha vass miah du vella geyyich da Jeremia. Es zayla immah preeshtah sei fa uns lanna, mennah mitt veisheit fa uns roht gevva un brofayda fa Gott sei vadda sawwa. Vella een fanga bei sei aykni vadda fadrayya, un vella een nimmi abheicha.”

Jeremia 3:10

Doch fa awl dess, is iahra unglawvichi shveshtah Juda nett folshtendich zrikk gedrayt zu miah, avvah hott yusht ohglost see dayt,” sawkt da Hah.

Jeremia 42:18

Dess is vass da Awlmechtich Hah, da Gott funn Israel, sawkt: ‘So vi mei veeshtah zann ausgleaht voah uf selli es in Jerusalem gvoond henn, so zayld mei zann ausgleaht sei uf eich vann diah noch Egypta gaynd. Diah vaddet en fluch, en kshpott, en shand un sind grausam; diah zaylet deah blatz nee nimmi sayna.’

Ezekiel 23:32

Dess is vass da Awlmechtich Hah sawkt: Du zaylsht dei shveshtah iahra kobli drinka, en kobli es grohs un deef is; du zaylsht fashpott un falacht sei, veil's kobli so feel haybt.

Ezekiel 36:20

Un vo-evvah es si anna ganga sinn unnich di heida, henn si mei heilichah nohma fashohmd veil's ksawt voah veyyich eena, ‘Dee leit sinn em Hah sei leit, un doch henn si sei land falossa missa.’

Daniel 7:25

Eah zayld leshtahra geyyich da Alli-Haychsht un sei heilichi nunnah dredda. Eah zayld broviahra iahra fesht-dawk zeida un ksetza fa'ennahra. Di heilicha zayla ivvah-gedrayt sei zu eem fa en zeit, zvay zeida un en halvi zeit.

Hosea 11:5

Si zayla nett viddah nohch Egypta gay, avvah Assur zayld iahra kaynich sei, veil si's nett doon fa sich bekeahra.

Hosea 11:7

Mei leit sinn hatt ksetzt fa vekk drayya funn miah. Si roofa zumm Alli-Haychshta, avvah nimmand eaht een.

Hosea 6:4

“Vass soll ich du mitt diah, Ephraim? Vass soll ich du mitt diah, Juda? Eiyah leevi is vi da meiya-nevvel, vi da meiya-dau es fagayt.

Hosea 7:13

Vay zu eena, veil si vekk gloffa sinn funn miah! Si kumma folshtendich um veil si sich geyyich mich kshteld henn! Ich dayt gleicha si zrikk kawfa, avvah si sawwa leeya geyyich mich.

Hosea 9:3

Si zayla nett im Hah sei land bleiva, avvah da Ephraim gayt zrikk nunnah an Egypta, un in Assur zayla si unrein ess-sach essa.

Hosea 9:4

Datt zayla si nett vei ausleahra fa en opfah macha zumm Hah, un iahra opfahra zayla eem nett kfellich sei. So opfahra zayla unrein sei, grawt vi's broht is fa selli es am heila sinn fa iahra dohdi, un alli-ebbah es est difunn vatt aw unrein. Dess ess-sach zayld sei fa si selvaht, es soll nett im Hah sei tempel kumma.

Hosea 9:6

Gukket, si missa gay veil si faveesht vadda, Egypta dutt si zammah geddahra, un Memphis zayld si fagrawva. Iahra keshtlich silvah vatt ivvah-gvaxa mitt veetz, un iahra tents mitt danna.

Maleachi 3:13

“Diah hend veeshti sacha ksawt geyyich mich,” sawkt da Hah. “Avvah diah frohwet, ‘Vass henn miah ksawt geyyich dich?’

Maleachi 3:14

Diah hend ksawt, ‘'Sis fa kenn yoos fa Gott deena. Vass goot dutt's uns fa du vi eah sawkt un rumm heah gay vi in dreebsawl fannich em Awlmechtich Hah?

Matthäus 12:36

Avvah ich sawk eich, ‘Am gerichts-dawk missa awl leit di shuld drawwa fa alli unaydich vatt es si ksawt henn.’

Lukas 8:13

Un dee vo uf em shtay sinn, sinn selli vo vann si's Vatt heahra, doon si's fraylich einemma, avvah si henn kenn vatzla. Si glawva fa en veil, avvah vann si fasucht vadda, falla si vekk.

Jakobus 3:5

So, aw, is di zung yusht en glay ding, avvah see braekt veyyich grohsi sacha. En grohs bush-feiyah is kshteaht bei en glay feiyahli.

2. Petrus 2:8

(fa sellah gerecht mann voah oahrich gedruvveld in sei sayl bei vass eah keaht un ksenna hott, vi eah dawk fa dawk unnich eena gvoond hott)—

Di Offenbarung 13:5

Un zu em leshtah-diah voah en maul gevva fa grohsi sacha sawwa un fa leshtahra, un's voah eem macht gevva fa so ohhalda fa zvay un fatzich moonet.