Hosea 7:12 - Pennsylvania Dutch Bible

¹² Vann si hee un heah lawfa shmeis ich mei net ivvah si; ich zeek si runnah vi fekkel in di luft. Ich shtrohf si vi's gebreddicht is in iahra fasamling.

Hosea 7:12 ပူးပေါင်းရင်းမြစ်များ

Hiob 19:6

dann sellet diah vissa es Gott miah letz gedu hott, un hott sei net um mich rumm gedu.

Breddichah 9:12

Un da mensh vayst aw nett vann sei shtund kumd: Vi fish es unfahoft kfanga vadda in en net, adda fekkel in en fall, so vadda mensha kfanga bei shlechti zeida vann si unfahoft uf si kumma.

Jeremia 16:16

Nau gukket moll,” sawkt da Hah, “ich zayl shikka fa feel fishah-mennah es si fanga zayla. Noch sellem shikk fa feel hundah, un si zayla si raus sucha uf alli berg un hivvel un si aus di rissa in di felsa yawwa.

Jeremia 44:4

Ich habb mei gnechta di brofayda ivvah un ivvah zu eich kshikt, es ksawt henn, ‘Doond dess grausam ding nett es ich hass!’

Ezekiel 12:13

Ich shmeis mei net ivvah een so es eah kfanga vatt in mei fall; ich bring een zu Babylon im land funn di Chaldayah, avvah eah zayld's nett sayna, un eah zayld shtauva datt.

Ezekiel 17:20

Ich shmeis mei net ivvah een un eah zayld kfanga vadda in mei fall. Ich bring een zu Babylon un richt een datt veil eah geyyich mich kshaft hott.

Ezekiel 32:3

Dess is vass da Awlmechtich Hah sawkt: Ich zayl mei net ivvah dich shmeisa mitt feel leit am miah helfa, un si zeeya dich raus in mei net.

Hosea 5:9

Ephraim zayld faveesht vadda, uf em dawk es ich si shtrohf. Unnich di shtamma funn Israel, doon ich si vanna vass blatz nemma zayld.

Di Offenbarung 3:19

Selli es ich leeb habb doon ich zanka un shtrohfa. So sei fleisich, dray rumm un du boos.