Hosea 6:5 - Pennsylvania Dutch Bible

⁵ Fasell habb ich eich fahakt mitt mei brofayda, ich habb eich umgebrocht mitt di vadda funn mei maul; mei gericht is uf eich kumma vi licht.

Hosea 6:5 ပူးပေါင်းရင်းမြစ်များ

1. Mosi 18:25

'Sis goah nett vi dich fa so en ding du—fa di gerechti umbringa mitt di ungerechta, es vann di gerechta un di ungerechta gleicha veahra. Dess is goah nett vi dich! Sett nett da Richtah funn di gans veld du vass recht is?”

1. Kaynicha 14:6

So vo da Ahia di yacht funn iahra fees keaht hott an di deah, hott eah ksawt, “Kumm rei, fraw fumm Jerobeam. Favass fashtelsht du dich? Ich binn zu diah kshikt vadda mitt shlechti zeiya.

1. Kaynicha 17:1

Nau da Elia da Thisbiddah, funn Thisbe in Gilead, hott ksawt zumm Ahab, “So voah es da Hah, da Gott funn Israel, laybt, fannich demm es ich shtay, es zayld kenn dau adda reyyah gevva fa di nekshta yoahra biss ich so sawk.”

1. Kaynicha 18:17

Vo eah da Elia ksenna hott, hott eah ksawt zu eem, “Is sell dich, du druvvel-machah fa Israel?”

1. Kaynicha 19:17

Ennich ebbah es vekk kumd fumm shvatt fumm Hasael, vatt doht gmacht beim Jehu; un ennich ebbah es vekk kumd fumm shvatt fumm Jehu, vatt doht gmacht beim Elisa.

2. Kaynicha 1:16

Eah hott no ksawt zumm kaynich, “Dess is vass da Hah sawkt, ‘Is es veil's kenn Gott in Israel hott fa frohwa es du mennah kshikt hosht fa da Baal-Sebub, da gott funn Ekron, frohwa? Veil du dess gedu hosht zaylsht du nee nett uf shtay aus em bett es du am druff leiya bisht. Du zaylsht fashuah shteahva!’”

2. Chronik 21:12

No is en breef zu eem kumma fumm brofayt Elia es ksawt hott: “Dess is vass da Hah, da Gott funn deim faddah da Dawfit, sawkt, ‘Du bisht nett gloffa in di vayya funn deim daett da Josaphat adda in di vayya fumm Kaynich Asa funn Juda.

Hiob 15:30

Eah kumd nett vekk fumm dunkla, es flamm drikkeld sei blansa uf, un da ohften funn Gott sei maul drawkt een vekk.

Hiob 34:10

So heichet mich ab, diah mennah es alles fashtaynd, Gott dayt selayva nett droh denka fa evil du, adda da Awlmechtich fa letz du.

Psalm 119:120

Ich feich mich so veyyich diah es ich ziddah, ich feich mich veyyich dei gerichtes.

Psalm 37:6

Eah macht dei gerechtichkeit sheina vi en licht, un dei gericht vi di middawk sunn.

Jesoiya 11:4

Avvah mitt gerechtichkeit zayld eah di oahma richta, un zayld eahlich sei mitt di aylendicha im land. Eah zayld di eaht shlauwa mitt em shtekka funn sei maul, un mitt sei ohften zayld eah di gottlohsa doht macha.

Jesoiya 58:1

“Greish laut, hayb nix zrikk, mach dei shtimm vi di yacht funn en blohs-hann. Sawk mei leit veyyich iahra ivvah-dreddes, un's haus fumm Jakob veyyich iahra sinda.

Jeremia 1:10

Saynsht, heit setz ich dich ei fa ivvah lendah un kaynich-reicha sei, fa vatzla raus zeeya un nunnah reisa, fa fadauva un ivvah-shmeisa, un fa ufbauwa un blansa.”

Jeremia 1:18

Heit habb ich dich gmacht vi en eigmavvahdi shtatt, vi en eisichah poshta, un vi en vand gmacht funn bronze fa ufshtay geyyich's gans land—geyyich di kaynicha funn Juda, geyyich iahra evvahshti, geyyich iahra preeshtah un awl di leit im land.

Jeremia 13:13

No sawk zu eena, ‘Dess is vass da Hah sawkt, “Ich zayl alli-ebbah es in demm land voond uf filla un ksoffa macha—awl di kaynicha es uf em Dawfit sei kaynich-shtool hokka, di preeshtah, di brofayda un awl di leit es in Jerusalem voona.

Jeremia 23:29

“Is mei vatt nett vi en feiyah,” sawkt da Hah, “un vi en hammah es en shtay fabrecht?

Jeremia 5:14

Fasell sawkt da Hah, da Awlmechtich Gott; “Veil di leit selli vadda ksawt henn, dann mach ich mei vadda in deim maul vi en feiyah, un dee leit vi's hols es es feiyah ufbrend.”

Ezekiel 11:4

So broffetzei geyyich si; broffetzei, mensha-kind.”

Ezekiel 3:9

Ich habb dei shtann haddah gmacht es da hatsht shtay. Feich dich nett, un sei nett engshtlich veyyich eena, even vann si shtokkich sinn.”

Ezekiel 32:18

“Mensha-kind, heil fa di feel leit funn Egypta un fa iahra dochtahra, selli anra grefticha lendah. Shikk si nunnah in di veld funn di dohda, zu selli es nunnah in's grawb ganga sinn.

Ezekiel 43:3

Di vision voah vi selli es ich ksenna katt habb vo eah kumma is fa di shtatt fadauva, un vi selli es ich ksenna katt habb am Kebar Revvah. No binn ich nunnah uf mei ksicht kfalla.

Zephania 3:5

Da Hah in iahra mitt is gerecht, eah dutt nix letzes. Alli meiya dutt eah eahlich richta, un alli dawk dutt eah vass recht is, avvah doch di ungerechta shemma sich nett.

Di Apostelgeschichte 7:31

Vo da Mosi's ksenna hott, hott eah sich favunnaht veyyich dee kshicht. Vi eah naychah kumma is fa's vatsha is di shtimm fumm Hah zu eem kumma.

Römer 2:5

Avvah deich dei hatt hatz vass dich nett lost boos du, bisht du am zann ufshtoahra fa sellah dawk funn zann. Sell is vann Gott sei gerecht gerichtes sich veisa dutt.

Epheser 6:17

Un nemmet saylichkeit oh es eiyah greeks-hoot, un's shvatt fumm Geisht vass Gottes Vatt is.

Hebräer 4:12

Fa's Vatt funn Gott is levendich un greftich, un shaufah es ennich zvay-shneidich shvatt. Es shneit gans deich un fadayld di sayl un da geisht, un di gveahva un's gnocha fett. Un's is en richtah funn di gedanka un's falanga fumm hatz.

Di Offenbarung 1:16

Eah hott sivva shtanna in sei rechtsi hand katt un aus seim maul is en shauf zvay-shneidich shvatt kumma. Sei ksicht voah vi di sunn am folshtendich sheina.

Di Offenbarung 2:16

Dray rumm un du boos, adda ich kumm kshvind un fecht geyyich si mitt em shvatt funn meim maul.

Di Offenbarung 9:15

Un di fiah engel, vo grisht kalda voahra fa dee shtund, deah dawk, deah moonet un dess yoah, voahra lohs glost fa's driddel dayl funn awl di mensha doht macha.

Di Offenbarung 9:21

Si henn aw nett boos gedu fa iahra maddahrei, hexahrei, huahrahrei, un iahra geshtayl.

1. Samuel 13:13

Da Samuel hott ksawt, “Du hosht en dumm ding gedu. Du hosht's gebott nett kalda es da Hah dei Gott diah gevva hott. Vann du hetsht, dann hett da Hah dei kaynich-reich ivvah Israel ksetzt fa'immah.

1. Samuel 15:22

Da Samuel hott no ksawt, “Hott da Hah may blesiah in opfahra un brand-opfahra es vi em Hah sei shtimm heicha? Gukk moll, fa heicha is bessah es opfahra, un fa's du is bessah es es fett funn shohf-bekk.

1. Samuel 15:32

No hott da Samuel ksawt, “Bringet miah da Agag, da kaynich funn di Amalekiddah.” Da Agag is geahn kumma veil eah gedenkt hott, “Geviss di biddahnis funn doht is ivvah.”

1. Samuel 15:33

Avvah da Samuel hott ksawt, “Vi dei shvatt veibsleit grawbt hott funn iahra kinnah, so soll dei maemm grawbt sei funn iahra kinnah unnich veibsleit.” No hott da Samuel da Agag in shtikkah kakt fannich em Hah an Gilgal.