Hosea 5:5 - Pennsylvania Dutch Bible

⁵ Israel iahra hohchmoot zeikt geyyich si, Israel un Ephraim shtolbahra in iahra sinda; un Juda shtolbaht mitt eena.

Hosea 5:5 ပူးပေါင်းရင်းမြစ်များ

Shpricha 11:21

Du kansht dich falossa druff es di gottlohsa nett unkshtrohft gayn, avvah selli es gerecht sinn vadda frei ksetzt.

Shpricha 11:5

Di gerechtichkeit funn di unshuldicha macht iahra vayk grawt, avvah di gottlohsa falla bei iahra aykni ungettlichkeit.

Shpricha 14:32

Da gottlohs bringd sei ayknah nunnah-fall bei's evil es eah dutt, avvah even im doht sinn di gerechta gedrohsht.

Shpricha 24:16

fa en gerechtah mann fald sivva mohl anna un shtayt viddah uf, avvah di gottlohsa vadda nunnah gebrocht deich druvvel.

Shpricha 30:13

selli es iahra awwa hohch uf hayva, un gukka so grohs-feelich rumm;

Jesoiya 3:8

Yau, Jerusalem is kshtolbaht, un Juda is kfalla; iahra vadda un sell vass si doon is geyyich da Hah. Si shtella sich uf geyyich sei hallichkeit.

Jesoiya 3:9

Da vayk vi iahra ksichtah gukka zeikt geyyich si; si veisa iahra sinda fanna rumm es vi Sodom, si fashtekla si nett. Vay zu eena! Si henn grohsah druvvel uf sich selvaht gebrocht.

Jesoiya 44:9

Awl selli es abgettah macha sinn goah nix, un iahra keshtlichi sacha sinn nix veaht. Selli es zeiya fa si, sinn blind un vissa nix. Si zayla fashohmd vadda.

Jesoiya 59:12

Unsah ivvah-dreddes is ufkeifeld fannich diah; unsah sinda zeiya geyyich uns. Unsah ivvah-dreddes is immah bei uns, un miah vissa veyyich unsah sinda.

Jeremia 14:7

“Even vann unsah sinda geyyich uns zeiya, doch, oh Hah, du ebbes fa di sayk funn deim nohma. Unsah ivvah-dreddes is grohs; miah henn ksindicht geyyich dich.

Jeremia 2:19

Dei ungettlichkeit is di shuld es du kshlauwa vasht, bei mich falossa vasht du kshtrohft. Denk droh un fameik dess, vi evil un biddah es es is fa dich vann du da Hah dei Gott falosht, un hosht kenn furcht funn miah.” So sawkt da Hah, da Awlmechtich Hah.

Hosea 14:1

Drayyet zrikk zu eiyah Gott, oh Israel, fa eiyah sinda henn eich shtolbahra gmacht!

Hosea 14:2

Nemmet dee vadda mitt eich un gaynd zrikk zumm Hah. Sawwet zu eem: “Fagebb unsah sinda un nemm uns gnaydich oh, so es miah di frucht funn unsah leftz opfahra kenna.

Hosea 4:5

Fasell shtolbahsht du dawk un nacht, un di brofayda shtolbahra mitt diah, un so zayl ich dei maemm umbringa.

Hosea 5:14

Ich zayl sei vi en layb zu Ephraim, vi en grohsah layb zu Juda. Ich reis si in shtikkah un gay difunn, ich drawk si fatt, un nimmand kann eena helfa.

Hosea 7:10

Israel sei hohchmoot zeikt geyyich een, avvah deich awl dess, drayt eah sich nett zumm Hah, sei Gott, un gukt aw nett fa een.

Hosea 8:14

Israel hott fagessa veah een gmacht hott, un hott kaynich-heisah gebaut; un Juda hott feel eigmavvahdi shtett gmacht. Avvah ich zayl feiyah uf iahra shtett shikka, so es iahra grohsi heisah fabrenna.”

Amos 5:2

“Di yung-fraw Israel is kfalla, un zayld nee nimmi uf shtay. See is fa'acht in iahra ayya land un nimmand kann iahra uf helfa.”

Matthäus 23:31

Sellah vayk sind diah am zeiya geyyich eich selvaht; naymlich, es diah di nohch-kummashaft sind funn dee vo di brofayda doht gmacht henn.

Lukas 19:22

Da roolah hott ksawt zu eem, ‘Bei di vadda aus deim ayya maul doon ich dich richta, du ungerechtah gnecht! So du hosht gvist es ich en haddah mann binn, es ich sell nemm vass ich nett kshaft habb difoah un es ich funn di eahn nemm vo ich nett ksayt habb?