Hosea 5:14 - Pennsylvania Dutch Bible

¹⁴ Ich zayl sei vi en layb zu Ephraim, vi en grohsah layb zu Juda. Ich reis si in shtikkah un gay difunn, ich drawk si fatt, un nimmand kann eena helfa.

Hosea 5:14 ပူးပေါင်းရင်းမြစ်များ

Hiob 10:16

Vann ich mei kobb uf hayb, dann hundsht du mich vi en layb, un veisht viddah dei vundahboahri macht geyyich mich.

Hiob 10:7

Du vaysht es ich nett shuldich binn, un es nimmand mich aus dei hand nemma kann.

Psalm 50:22

Nau meik dess, du es Gott fagesht, eb ich dich in shtikkah fareis, un's is nimmand fa's fahalda:

Psalm 7:2

so es si mich nett fareisa vi en layb, un mich vekk shlayfa vo nimmand is fa helfa.

Jesoiya 5:29

Iahra greeks-gegreish is vi en layb am roahra, si roahra vi en yungah layb; si gnarra un hayva vass si fanga, si drawwa's vekk un nimmand kann eena helfa.

Jeremia 25:38

Vi en layb falost eah da blatz vo eah sich fashtekkeld hott, iahra land is leah un faveesht deich's shvatt funn sellah es fadaubt, un deich em Hah sei gleedichah zann.

Glawk-Leedah 3:10

Vi en beah am leiya un voahra, vi en layb am sich fashtekla,

Hosea 13:6

Vo ich si kfeedaht habb, voahra si satt; vo si satt voahra, sinn si shtols vadda, no henn si mich fagessa.

Hosea 2:12

Ich mach iahra drauva-shtekk un feiya-baym doht gay, dee es see ksawt hott es iahra lohn voah, da lohn es iahra lusht-mennah iahra gevva henn. Ich mach deah lohn in en vildahnis, es di vilda diahra fressa zayla.

Hosea 6:1

“Kummet, vella zrikk zumm Hah gay. Eah hott uns in shtikkah grissa, avvah eah zayld uns hayla; eah hott uns vay gedu, avvah eah bind's viddah zu.

Amos 2:14

Da kshvind zayld nett vekk kumma, da shteik faliaht sei grefta, un da mechtich greeks-gnecht kann sei layva nett halda.

Micha 5:8

Selli es ivvahrich sinn aus em Jakob zayla unnich di heida kshtroit sei, unnich feel leit vi en layb unnich di diahra fumm bush, vi da yung layb unnich di shohf-drubba es si famawld un fareist vi eah gayt, un es nimmand shtobba kann.

5. Mosi 28:31

Eiyah ox zayld kshlachta sei fannich eiyah awwa, avvah diah zaylet kens difunn essa. Eiyah aysel zayld vekk gnumma vadda funn eich, un vatt nee nett zrikk gebrocht. Eiyah shohf vadda zu eiyah feinda gevva, un nimmand zayld eich helfa.

5. Mosi 32:39

Saynet nau, ich laynich binn Een, un's hott kenn gott nayvich mich. Ich mach doht, un ich mach levendich; ich habb vay gedu un ich zayl hayla, un nimmand kann ebbah aus mei hand nemma.