Hosea 4:2 - Pennsylvania Dutch Bible

² Avvah fluches, leeyes, maddahrei, shtayles un aybreches hott ivvah-hand gnumma. Un bloot-fageeses kumd ayns noch em anra.

Hosea 4:2 ပူးပေါင်းရင်းမြစ်များ

1. Mosi 4:8

No hott da Koin kshvetzt mitt seim broodah da Abel, un's is zu kumma vo si draus im feld voahra, hott da Koin sich geyyich sei broodah kshteld un hott een doht gmacht.

Jesoiya 24:5

Di eaht is unheilich gmacht bei iahra leit, si henn Gott sei ksetz ivvah-gedredda, henn di gebodda fa'ennaht, un henn's ayvich bund fabrocha.

Jesoiya 48:1

“Heichet dess ab, diah leit fumm Jakob, diah es Israel kaysa sind, un es kummet fumm Juda sei nohch-kummashaft; diah es shveahret im nohma fumm Hah, un es baydet zumm Gott funn Israel, avvah nett in voahheit un gerechtichkeit.

Jeremia 51:5

Israel un Juda voahra nett falossa glost bei Gott, iahra Awlmechtichah Hah, even vann iahra land ksindicht hott geyyich da Heilich Gott funn Israel.

Jeremia 6:7

Vi en shpring iahra vassah lawfa lost, so lawft ungettlichkeit aus iahra. Ma heaht di yacht funn shtoft am veeshtahlich fadauva vadda, maddahrei un nunnah-shlauwes dreibt see alli dawk.

Glawk-Leedah 4:13

Dess hott blatz gnumma deich di sinda funn iahra brofayda, un di shulda funn iahra preeshtah; dee es es bloot funn di gerechta datt drinn fagossa henn.

Ezekiel 7:23

Rishtet kedda, veil's land foll bloot-fageeses is un di shtatt foll gvaldichah unfashtand is.

Hosea 10:13

Avvah diah hend ungettlichkeit geblanst, hend evil geahnd, un hend di frucht funn leeya gessa. Veil du dich falossa hosht uf dei aykni graft, un uf dei feel greeks-gnechta,

Hosea 10:4

Si fashprecha feel sacha, un bei falsh shveahra macha si bunda; so, letzah roht fa di leit iahra recht kumd uf vi giftich veetz in en geblookt feld.

Hosea 11:12

Da Ephraim hott mich umringd mitt leeya, un's haus funn Israel mitt falshheit. Juda is alsnoch geyyich Gott, geyyich da shtandhaftich Heilich Gott.

Hosea 12:14

Avvah da Ephraim hott een biddahlich fazand, so lost sei Hah sei bloot-shuld uf een, un betzawld een zrikk fa da shohm es eah uf een gebrocht hott.

Hosea 5:2

Mitt eiyah geshlacht hend diah eich deef fashuldicht, un ich zayl eich awl shtrohfa.

Hosea 6:8

Gilead is en shtatt foll ivvah-dreddah, un foll bloodichi kshpuahra.

Hosea 6:9

Vi rawvah am voahra, sinn di preeshtah; si maddahra leit uf em vayk noch Sichem, un doon shandlichi sacha.

Hosea 7:1

“Vann ich als Israel hayla vill, dann sinn em Ephraim sei sinda abgedekt, un aw awl's evil sach es Samaria dutt. Si doon shlichtichi sacha; di deeb brecha nei in di heisah, un rawvah rawva di leit in di shtrohsa.

Hosea 7:3

Si macha da kaynich froh mitt iahra ungettlichkeit, un di evvahshti mitt iahra leeya.

Hosea 7:4

Si sinn awl aybrechah, am brenna vi's feiyah in en bakk-offa es nett kshtatt sei brauch beim bakkah, biss da dayk uf ganga is.

Micha 3:2

Diah hasset vass recht is un leevet evil, diah zeeyet di haut ab funn mei leit, un reiset's flaysh funn iahra gnocha.

Micha 3:9

Nau heichet dess, diah foah-gengah fumm Jakob sei haus, diah roolahs fumm Israel sei haus, diah es eahlich richtes hasset, un fadrayyet vass goot un recht is.

Micha 6:10

Soll da Hah di keshtlicha sacha fagessa im gottlohsa haus, es gnumma voahra mitt uneahlichi gvichtah es fadamd sinn?

Micha 7:2

Di gettlicha leit sinn awl fatt in demm land, 'sis nett ay ufrichtichah mensh ivvahrich. Alli-ebbah is am voahra fa ebbah doht macha, alli-ebbah is am sei broodah hunda mitt en fall.

Zephania 3:1

Vay zu di shteibahrich un unrein shtatt es iahra leit nunnah drett.

Sacharia 5:3

No hott eah ksawt, “Sell is da fluch es am naus gay is ivvah's gans land. Uf di aynd seit sawkt's es alli deeb zayld aus em land gedrivva sei, un uf di annah seit sawkt's es alli-ebbah es en falsh zeiknis gebt vatt naus gedrivva.

Sacharia 7:9

“Dess is vass da Awlmechtich Hah sawkt: ‘Richtet recht; seind goot-maynich un bamhatzich zu eiyah broodah.

Matthäus 23:35

So uf eich kumd awl's gerecht bloot vo raus gleaht vatt uf di eaht, fumm gerechta Abel zumm bloot fumm Zacharias, em Barachiah sei boo, vo diah doht gmacht hend zvishich em tempel un em awldah.

Di Apostelgeschichte 7:52

Voahra's ennichs funn di brofayda es eiyah foah-feddah nett fafolkt henn? Un si henn dee doht gmacht vo fanna naus ksawt henn es Deah Gerecht kumma zayld. Diah sind nau hee kumma es diah Deah Gerecht farohda hend un en doht gmacht.

5. Mosi 5:11

Diah sellet da nohma fumm Hah eiyah Gott nett letz yoosa, fa da Hah lost nimmand unkshtrohft es sei nohma letz yoost.

5. Mosi 5:18

Diah sellet nett aybrecha.

5. Mosi 5:19

Diah sellet nett shtayla.

1. Thessalonicher 2:15

dee vo da Hah Jesus un di brofayda doht gmacht henn un henn uns naus gedrivva. Si sinn Gott nett kfellich un sinn geyyich awl mensha,

Di Offenbarung 17:6

Ich habb dess veibsmensh ksenna, ksoffa mitt em bloot funn di saylicha un mitt em bloot funn dee vo gezeikt henn veyyich Jesus. Vo ich see ksenna habb, habb ich mich oahrich fashtaund.