Hosea 4:16 - Pennsylvania Dutch Bible

¹⁶ Israel is dikk-kebbich, un shteibahrich vi en rind. So kann da Hah si nau vayda vi en lamm in en grohs feld?

Hosea 4:16 ပူးပေါင်းရင်းမြစ်များ

Psalm 78:8

un so es si nett sinn vi iahra foah-feddah voahra— en dikk-kebbichi un shteibahrichi nohch-kummashaft, en leit es kenn shtandhaftichi hatza katt henn, un iahra geisht voah aw nett shtandhaftich zu Gott.

Jesoiya 22:18

Eah zayld dich uf rolla vi en balla, un dich in en graysah land shmeisa. Datt zaylsht du shtauva, un datt zayla dei shayni greeks-veyya bleiva; du bisht en shohm zu dei meishtah sei haus!

Jesoiya 30:23

No shikt eah reyyah fa da sohma es diah in da grund sayyet, un's ess-sach es kumd fumm land zayld feel un blendi sei. In sellem dawk zayld eiyah fee vayda in grohsi feldah.

Jesoiya 5:17

No zayla di lemmah datt vayda es vi in iahra aykni feldah, un fremdi zayla essa in di reicha iahra fadauvani bletz.

Jeremia 14:7

“Even vann unsah sinda geyyich uns zeiya, doch, oh Hah, du ebbes fa di sayk funn deim nohma. Unsah ivvah-dreddes is grohs; miah henn ksindicht geyyich dich.

Jeremia 3:11

Da Hah hott ksawt zu miah, “Unglawvich Israel is may gerecht es es falsh land Juda.

Jeremia 3:6

Deich's reich fumm kaynich Josia hott da Hah ksawt zu miah, “Hosht ksenna vass unglawvich Israel gedu hott? See is nuff uf alli hohchah hivvel, un unnich alli greenah bohm ganga un hott huahrahrei gedrivva datt.

Jeremia 3:8

Ich habb unglawvich Israel en divorce-shreives gevva un see vekk kshikt veil see huahrahrei gedrivva hott. Unglawvich Juda hott dess ksenna avvah see hott sich nett kfeicht. See is aw naus ganga un hott huahrahrei gedrivva.

Jeremia 31:18

Ich habb da Ephraim keaht yammahra, un sawwa, ‘Du hosht mich kshtrohft vi en ungland hamli, un ich binn nau kshtrohft. Bring mich zrikk, ich vill zu diah kumma, veil du mei Hah un mei Gott bisht.

Jeremia 5:6

Fasell kumd en layb aus em bush un macht si doht, en volf funn di vildahnis zayld si fareisa, en leopard leit un vatsht si in iahra shtett, un reist si in shtikkah vann si naus gayn, fa iahra sinda sinn grohs un si halda oh vekk drayya funn Gott.

Jeremia 7:24

Avvah si henn nett keicht un acht katt. In blatz funn sell sinn si iahra ayknah roht nohch gloffa, un sinn iahra shteibahrich un evil hatz nohch ganga. Si sinn hinnahsich un nett fassich gloffa.

Jeremia 8:5

So favass drayya dee leit vekk unni viddah zrikk drayya? Favass dutt Jerusalem immah vekk drayya? Si henka oh zu di falshheit, un doon's nett fa zrikk kumma.

Hosea 10:11

Da Ephraim is vi en gebrocha rind es gleicht dresha; so doon ich en yoch uf iahra shaynah hals. Ich zayl da Ephraim eishpanna, Juda muss bloowa, un da Jakob muss da grund ayya.

Hosea 11:6

Es shvatt zayld ivvah iahra shtett kumma, un di rikkel fabrecha in iahra doahra. Si vadda ufkfressa veil si iahra ayknah vayk ausshaffa vella.

Hosea 11:7

Mei leit sinn hatt ksetzt fa vekk drayya funn miah. Si roofa zumm Alli-Haychshta, avvah nimmand eaht een.

3. Mosi 26:33

Ich zayl eich ausnannah shtroiya unnich di heida un zeek mei shvatt raus un kumm eich nohch. Eiyah land zayld veesht gmacht sei un eiyah shtett nunnah grissa sei.

Sacharia 7:11

Avvah si henn's nett gedu fa abheicha, henn iahra bikkel gedrayt un iahra oahra zu kshtobt so es si nett heahra henn kenna.

1. Samuel 15:11

Eah hott ksawt, “Es shpeit mich es ich da Saul kaynich gmacht habb, veil eah sich vekk gedrayt hott funn miah un hott nett gedu vi ich eem ksawt habb.” Da Samuel voah bedreebt un hott di gans nacht zumm Hah groofa.