Hosea 2:12 - Pennsylvania Dutch Bible

¹² Ich mach iahra drauva-shtekk un feiya-baym doht gay, dee es see ksawt hott es iahra lohn voah, da lohn es iahra lusht-mennah iahra gevva henn. Ich mach deah lohn in en vildahnis, es di vilda diahra fressa zayla.

Hosea 2:12 ပူးပေါင်းရင်းမြစ်များ

Psalm 80:12

Favass hosht du sei vanda nunnah gebrocha, so es ennich ebbah es fabei gayt di drauva nemma kann?

Jesoiya 29:17

Zayld nett Lebanon in en katzi zeit in en fruchtboah feld gedrayt sei, un's fruchtboah feld fanumma sei vi en bush mitt baym?

Jesoiya 5:5

Nau sawk ich eich vass ich du zayl mitt mei vei-goahra: Ich nemm di hekka-fens vekk, no vatt eah gans fadauva; ich brech di vand nunnah, no vatt eah alles fashtambt.

Jesoiya 7:23

An selli zeit, alli blatz vo als en dausend drauva-ranka voahra es en dausend shtikkah silvah veaht voahra, zayla yusht danna un hekka sei.

Jeremia 13:26

Ich selvaht zeek dei rokk ruff ivvah dei ksicht, so es dei shohm ksenna sei kann.

Jeremia 26:18

“Vo da Hiskia da kaynich funn Juda voah hott da Micha funn Moresheth gebroffetzeit. Eah hott awl di leit funn Juda ksawt, ‘Dess is vass da Awlmechtich Hah sawkt: Zion zayld geblookt sei vi en feld, Jerusalem vatt vi en shtay haufa, un da tempel hivvel vatt ivvah-gvaxa mitt baym.’

Jeremia 5:17

Si zayla eiyah eahnda un ess-sach uf fressa, si fressa eiyah boova un mayt uf, si zayla eiyah shohf un kee uf fressa, si fressa eiyah vei-shtekk un feiya-baym uf. Si zayla di eigmavvahdi shtett nunnah hakka mitt iahra shvatt, dee eigmavvahda shtett es diah eich falosset druff.

Jeremia 8:13

‘Ich zayl si vekk nemma,’ sawkt da Hah, ‘es zayla kenn drauva uf di vei-shtekk sei, un kenn feiya uf di feiya-baym, iahra bleddah falla ab. Vass ich eena gevva habb, vatt vekk gnumma funn eena.’”

Hosea 13:8

Vi en beah es iahra yungi gnumma grikt hott, reis ich iahra brisht uf. Vi en layb fress ich si vi en vild diah si fareisa dayt.

Hosea 2:5

Iahra maemm hott huahrahrei gedrivva, see hott si gedrawwa in shohm. See hott ksawt, ‘Ich zayl mei lusht-mennah nohch gay, si gevva miah ess-sach un vassah, vull un flax, un ayl un vei.’

Hosea 5:14

Ich zayl sei vi en layb zu Ephraim, vi en grohsah layb zu Juda. Ich reis si in shtikkah un gay difunn, ich drawk si fatt, un nimmand kann eena helfa.

Hosea 9:1

Du dich nett froiya, oh Israel, so vi di heida doon. Fa du hosht huahrahrei gedrivva, un Gott falossa; du gleichsht da lohn funn huahra an alli dresha-floah.

Micha 3:12

Fasell, deich eich, zayld Zion geblookt vadda vi en feld; Jerusalem zayld en shtay haufa vadda, un da tempel hivvel vatt ivvah-gvaxa mitt veetz.