Hosea 14:9 - Pennsylvania Dutch Bible

⁹ Veah hott veisheit? Eah fashtayt dee sacha. Veah hott eisicht? Eah fameikt si. Di vayya fumm Hah sinn recht; un di gerechta lawfa drinn, avvah di ivvah-dreddah shtolbahra drinn.

Hosea 14:9 ပူးပေါင်းရင်းမြစ်များ

1. Mosi 18:25

'Sis goah nett vi dich fa so en ding du—fa di gerechti umbringa mitt di ungerechta, es vann di gerechta un di ungerechta gleicha veahra. Dess is goah nett vi dich! Sett nett da Richtah funn di gans veld du vass recht is?”

Hiob 17:9

Avvah di gerechta halda oh iahra vayk gay, un selli mitt reini hend vadda shteikah.

Psalm 107:43

Veah-evvah es veisheit hott, loss een dee sacha achta, loss een ivvah em Hah sei shtandhaftichi-leevi denka.

Psalm 119:128

Un fasell lawf ich pinklich noch dei adnunga, un ich hass alli falshah vayk.

Psalm 119:75

Oh Hah, ich vays es dei richta gerecht sinn, un es du mich gedaymeedicht hosht veil du shtandhaftich bisht.

Psalm 84:5

Ksaykend sinn di mensha es iahra graft greeya funn diah, un es iahra hatz ksetzt henn fa zu diah kumma.

Psalm 84:7

Si gayn funn graft zu may graft, biss alli-ebbah fannich Gott kumd in Zion.

Shpricha 10:29

Da vayk fumm Hah is en Roo-Blatz zu di ufrichticha, avvah sei vayk bringd fadauves zu selli es letz doon.

Shpricha 16:21

En mann mitt veisheit vatt ohksenna es aynah mitt eisicht, un leeblichi vadda macht leit noch may eisayna mitt eem.

Shpricha 4:18

Da vayk funn di gerechta is vi's licht free meiyets, es sheind hellah un hellah biss es gans dawk is.

Jesoiya 1:28

Avvah di ivvah-dreddah un sindah vadda famawla, un selli es da Hah falossa vadda umgebrocht.

Jesoiya 17:8

Si gukka nett zu di awldah, di eahvet funn iahra hend, un si gukka aw nett zu vass iahra fingah gmacht henn, di Ashera-poshta un di insens-awldah.

Jesoiya 26:7

Da vayk funn di gerechta is ayva, du machsht di pawt funn di gerechta grawt.

Jeremia 29:12

No zaylet diah mich ohroofa un bayda zu miah, un ich zayl eich abheicha.

Jeremia 9:12

Favass is es land fadauva un leah vi en vildahnis, so es nimmand deich's land gayt? Veah hott genunk veisheit fa dess fashtay? Veah voah gland beim Hah fa dess auslayya?

Ezekiel 11:18

Un vann si datt anna kumma, dann zayla si awl di abgettah un grausama sacha vekk du.

Ezekiel 18:25

Avvah doch sawwet diah, ‘Da vayk fumm Hah is nett recht.’ Heichet ab, oh haus funn Israel: Is mei vayk nett recht? Is es nett eiyah vayk es letz is?

Ezekiel 36:25

Ich shpritz sauvah vassah uf eich, un diah zaylet sauvah sei; ich mach eich rein funn awl eiyah unreinichkeit un funn awl eiyah abgettah.

Daniel 12:10

Feel leit zayla rein un sauvah gmacht sei, avvah di ungettlicha zayla ohhalda ungettlich sei. Kens funn di ungettlicha zayla fashtay, avvah selli mitt veisheit zayla fashtay.

Zephania 3:5

Da Hah in iahra mitt is gerecht, eah dutt nix letzes. Alli meiya dutt eah eahlich richta, un alli dawk dutt eah vass recht is, avvah doch di ungerechta shemma sich nett.

Sacharia 10:6

“Ich mach selli fumm Juda sei nohch-kummashaft shteik, un mach em Joseph sei nohch-kummashaft frei. Ich zayl si viddah zrikk bringa veil ich bamhatzich binn zu eena. Si zayla sei vi si voahra, grawt es vann ich si nett nunnah gedrayt hett, veil ich da Hah iahra Gott binn zayl ich si abheicha.

Matthäus 11:19

Da Mensha Sohn is kumma un dutt essa un drinka, un no sawwa si eah is en fressah un en vei-saufah, un is en freind funn di tax-einemmah un sindah. Avvah di veisheit veist sich recht bei vass see dutt.”

Lukas 2:34

No hott da Simeon si ksaykend un hott ksawt zu di Maria, “Heich moll, deich dess kind zayla feel falla un uf shtay in Israel, un eah zayld en zaycha sei es feel shvetza digeyya,

Lukas 7:23

Un ksaykend is sellah vo nett shtolbaht un vekk falla dutt deich mich.”

Johannes 15:24

Vann ich nett di verka gedu hett unnich eena vo noch nimmand shunsht gedu hott, hedda si kenn sinda. Avvah nau henn si dess ksenna, un si hassa mich un mei Faddah.

Johannes 18:37

Da Pilawtus hott no ksawt zu eem, “Dann bisht du en kaynich?” Jesus hott ksawt, “Du sawksht es ich en kaynich binn. Fa dess voah ich geboahra, un fa dess binn ich in di veld kumma, fa zeiknis gevva zu di voahheit. Alli-ebbah es funn di voahheit is, heaht mei shtimm.”

Johannes 8:47

Deah vo funn Gott is, heaht di vadda funn Gott. Diah heahret si nett veil diah nett funn Gott sind.”

Johannes 9:39

Jesus hott ksawt, “Fa's gericht binn ich in di veld kumma so es di blinda sayna kenna, un es dee vo sayna kenna, blind vadda.”

Di Apostelgeschichte 13:10

un hott ksawt, “Oh du kind fumm Deivel. Du bisht foll falshheit un dusht leit fafiahra. Du bisht geyyich awl gerechtichkeit. Zaylsht du nee nett ufheahra di rechta vayya fumm Hah fadrayya?

Römer 7:12

So's Ksetz is heilich, un's gebott is heilich, recht un goot.

5. Mosi 32:4

Eah is da Felsa, sei verka sinn folkumma; awl sei vayya sinn recht. En shtandhaftichah Gott es nix letzes dutt, gerecht un ufrichtich is eah.

Di Offenbarung 15:3

Si henn's leet fumm Mosi, Gott sei gnecht, ksunga, un's leet fumm Lamm, un henn ksawt, “Grohs un vundahboah sinn dei verka, oh Hah Gott, du Awlmechtichah. Gerecht un voahlich sinn dei vayya, du Kaynich funn di leit funn alli lendah.