Hosea 12:8 - Pennsylvania Dutch Bible

⁸ Da Ephraim braekt, “Ich binn reich, ich habb feel geld; mitt awl mei geld kann nimmand mich pshuldicha es ich ksindicht habb.”

Hosea 12:8 ပူးပေါင်းရင်းမြစ်များ

Psalm 49:6

selli es sich falossa uf iahra geld, un braekka vi reich es si sinn?

Psalm 52:7

“Gukket moll, dess is da mann es sich nett falossa hott uf Gott fa fechta fa een, avvah eah hott gedraut in sei grohsi reichheit, un is shteik vadda deich anri nunnah reisa.”

Psalm 62:10

Falosset eich nett uf rawves, un doond eiyah fadrauwa nett in kshtohla shtoft. Vann diah reich vaddet, setzet eiyah hatza nett uf sell.

Shpricha 11:1

Da Hah hast en vohk es uneahlich veekt, avvah en eahlich gvicht is eem kfellich.

Shpricha 30:12

selli es sich rein dinka in iahra aykni awwa, avvah si sinn nett sauvah funn iahrem drekk;

Shpricha 30:20

Dess is da vayk mitt en aybrechichi fraw, see est, butzt iahra maul ab, un sawkt, ‘Ich habb nix letzes gedu’.

Jeremia 2:23

“Vi kansht du sawwa, ‘Ich binn nett unrein; ich binn em Baal nett nohch ganga?’ Gukk moll vass du gedrivva hosht drunna im deich, denk droh vass du gedu hosht. Du bisht vi en yungi kamayla-mah es ivvahrawlich rumm heah shpringd,

Jeremia 2:35

sawksht du, ‘Ich binn unshuldich; da Hah is nett zannich mitt miah.’ Avvah ich zayl dich richta veil du sawksht, ‘Ich habb nett ksindicht.’

Jeremia 5:27

Vi en hundah sei keahb foll fekkel macht, so sinn iahra heisah foll uneahlich shtoft; deich sell sinn si reich un shteik vadda.

Ezekiel 28:5

Deich dei veisheit am handla, hosht du dich reichah gmacht, un veil du oahrich reich bisht, is dei hatz shtols vadda.

Hosea 13:6

Vo ich si kfeedaht habb, voahra si satt; vo si satt voahra, sinn si shtols vadda, no henn si mich fagessa.

Hosea 14:1

Drayyet zrikk zu eiyah Gott, oh Israel, fa eiyah sinda henn eich shtolbahra gmacht!

Hosea 4:8

Si feedra sich uf di sind-opfahra funn mei leit, un gleicha iahra ungettlichkeit.

Amos 8:5

un sawwet, “Vann zayld da Nei Moon ivvah sei so es miah frucht fakawfa kenna, un vann end da Sabbat so es miah vaytza uf du kenna fa fakawfa?” No kenna miah letz raus messa un ivvah-tsheahtsha, un falshi gvichtah yoosa.

Habakuk 1:16

Fasell macha si en opfah zu iahra net; si brenna insens zu iahra net, veil si reichlich layva deich iahra net, un essa's besht ess-sach.

Sacharia 11:5

Selli es si kawfa, shlachta si un vadda nett kshtrohft. Selli es si fakawfa sawwa, ‘Glohbt is da Hah, ich binn reich!’ Un iahra heedah davvahra si nett.

Maleachi 2:17

Diah hend da Hah meet gmacht mitt eiyah vadda. Avvah diah frohwet, “Vi henn miah een meet gmacht?” Bei sawwa, “Selli es evil doon sinn goot im Hah sei awwa, un eah is froh mitt eena,” adda “Vo is da Gott es shtrohfa dutt?”

Maleachi 3:13

“Diah hend veeshti sacha ksawt geyyich mich,” sawkt da Hah. “Avvah diah frohwet, ‘Vass henn miah ksawt geyyich dich?’

Lukas 10:29

Avvah eah hott nett vella di eah ufgevva, so hott eah Jesus kfrohkt, “Veah is mei nochbah?”

Lukas 12:19

Un ich sawk no zu mei sayl, Leevi Sayl, du hosht genunk sach zammah ksammeld fa en mannich yoah; nau nemm's easy; ess, drink un sei fraylich.’

Lukas 16:13

Kenn gnecht kann zvay meishtah deena. Endveddah hast eah da aynd un leebt da annah, adda eah shtikt zumm aynda un gukt nunnah uf da annah. Du kansht nett Gott un aw geld deena.”

Lukas 16:15

No hott eah ksawt zu eena, “Diah sind selli vo gukka vella vi gerechti mennah fannich di leit, avvah Gott vayst vass in eiyah hatza is. Fasell vass hohch uf kohva is fannich leit, is en hass fannich Gott.”

5. Mosi 8:17

Gevvet acht es diah nett sawwet in eiyah hatz, “Mei graft un mei shteiki hend henn mich reich gmacht vi dess.”

1. Timotheus 6:17

Lann selli vo reich sinn in deahra veld fa nett grohs-feelich sei, un fa iahra hofning nett in dee fagenglichi reichheit du, avvah in Gott, deah vo uns reichlich alles gebt fa unsah blesiah.

1. Timotheus 6:5

Es bringd en gefecht unnich leit es shlechti gedanka henn un es di voahheit faloahra henn. Si mayna gettlichkeit helft eena veidah kumma im nadiahlicha. Funn so leit hald dich vekk.

Di Offenbarung 3:17

Du sawksht, “Ich binn reich un habb goot gedu un brauch nix.” Avvah du vaysht nett es du aylendich, yammahlich, oahm, blind un nakkich bisht.