Hosea 11:7 - Pennsylvania Dutch Bible

⁷ Mei leit sinn hatt ksetzt fa vekk drayya funn miah. Si roofa zumm Alli-Haychshta, avvah nimmand eaht een.

Hosea 11:7 ပူးပေါင်းရင်းမြစ်များ

Psalm 81:11

Avvah mei leit henn mei shtimm nett abkeicht, Israel vill nix vissa funn miah.

Shpricha 14:14

Di gottlohsa vadda zrikk betzawld fa iahra vayya, avvah en goodah mann zayld zufridda sei mitt seini.

Jesoiya 26:10

Even vann gnawt gvissa vatt zu di gottlohsa, doon si alsnoch nett gerechtichkeit lanna; un even in en land es ufrichtich is, doon si alsnoch evil, un sayna nett di hallichkeit fumm Hah.

Jeremia 14:7

“Even vann unsah sinda geyyich uns zeiya, doch, oh Hah, du ebbes fa di sayk funn deim nohma. Unsah ivvah-dreddes is grohs; miah henn ksindicht geyyich dich.

Jeremia 2:19

Dei ungettlichkeit is di shuld es du kshlauwa vasht, bei mich falossa vasht du kshtrohft. Denk droh un fameik dess, vi evil un biddah es es is fa dich vann du da Hah dei Gott falosht, un hosht kenn furcht funn miah.” So sawkt da Hah, da Awlmechtich Hah.

Jeremia 3:11

Da Hah hott ksawt zu miah, “Unglawvich Israel is may gerecht es es falsh land Juda.

Jeremia 7:25

Fumm dawk es ich eiyah foah-feddah aus Egypta kfiaht habb biss nau, habb ich ohkalda mei gnechta di brofayda zu eich shikka dawk noch dawk.

Jeremia 7:26

Avvah si henn mich nett abkeicht adda mich acht katt. Si henn sich kshteibaht un henn may evil gedu es iahra foah-feddah.’

Jeremia 8:5

So favass drayya dee leit vekk unni viddah zrikk drayya? Favass dutt Jerusalem immah vekk drayya? Si henka oh zu di falshheit, un doon's nett fa zrikk kumma.

Hosea 11:2

Avvah vi may es ich si groofa habb, vi veidah vekk funn miah es si ganga sinn. Si henn opfahra gmacht zu di Baals, un henn insens gebrend zu abgott-gleichnisa.

Hosea 14:4

“Ich zayl iahra vekk-drayyes hayla un si geahn leeb havva, veil mei zann nau vekk gedrayt is funn eena.

Hosea 4:16

Israel is dikk-kebbich, un shteibahrich vi en rind. So kann da Hah si nau vayda vi en lamm in en grohs feld?

Hosea 7:16

Si bekeahra sich, avvah gukka nett zumm Alli-Haychshta; si sinn vi en grummah bow. Iahra evvahshti zayla falla bei em shvatt, veil si so hohch-oahrich kshvetzt henn. Deich dess zayld Egypta-Land si fashpodda.”