Hosea 11:4 - Pennsylvania Dutch Bible

⁴ Ich habb si als kfiaht mitt menshlichi shtrikk, mitt shtrikk funn leevi; ich habb's yoch ab funn iahra hals gnumma, habb mich nunnah gebikt un si kfeedaht.

Hosea 11:4 ပူးပေါင်းရင်းမြစ်များ

2. Samuel 7:14

Ich zayl sei faddah sei un eah zayld mei sohn sei. Vann eah letz dutt, shtrohf ich een mitt di root funn mensha un mitt di shlayk funn mensha.

Psalm 105:40

Si henn kfrohkt, un eah hott badreeslen gebrocht, un hott si satt gmacht mitt broht fumm himmel.

2. Mosi 16:32

Da Mosi hott no ksawt, “Dess is vass da Hah gebodda hott, ‘Nemmet zvay gvoaht manna un haldet's fa eiyah nohch-kummashaft. Dess is so si's broht sayna kenna es ich eich gevva habb fa essa in di vildahnis vo ich eich aus Egypta gebrocht habb.’”

Hohches Leet 1:4

Nemm mich vekk mitt diah—vella kshvind gay! Mei kaynich hott mich in sei shtubb gebrocht. Miah froiya uns un sinn fraylich ivvah dich; miah preisa dei leevi may es vei. Di ufrichticha leeva dich.

Jesoiya 63:9

In awl iahra leides, hott eah aw glidda, un da engel fumm Hah hott si aus di kfoah gnumma. In sei leevi un bamhatzichkeit hott eah si frei ksetzt; eah hott si uf kohva un si gedrawwa, di gans zeit in di alda dawwa.

Hosea 2:8

Avvah see dutt nett bekenna es es mich voah es iahra frucht, neiyah vei un ayl gevva hott, un aw feel silvah un gold— dess es si gyoost henn fa da Baal deena.

3. Mosi 26:13

Ich binn da Hah eiyah Gott es eich aus Egypta gebrocht hott, so es diah nimmi iahra bunds-gnechta sei sellet. Ich habb eiyah yoch fabrocha un habb gmacht es diah ufrichtich lawfa kennet.

Johannes 12:32

un ich, vann ich uf kohva va funn di eaht, zeek ich alli leit zu miah.”

2. Korinther 5:14

Fa di leevi funn Christus dreibt uns, veil miah glawva es aynah kshtauva is fa si awl; so sinn si awl kshtauva.

5. Mosi 32:12

Da Hah selvaht hott een kfiaht, un's voah kenn fremdah gott mitt eem.

5. Mosi 32:14

Eah hott een kfeedaht mitt buddah un millich funn kee un shohf, mitt feddi lemmah un gays, di beshta shohf-bekk funn Basan, da alli besht vaytza, un's bloot funn drauva hosht du gedrunka.