Hosea 10:13 - Pennsylvania Dutch Bible

¹³ Avvah diah hend ungettlichkeit geblanst, hend evil geahnd, un hend di frucht funn leeya gessa. Veil du dich falossa hosht uf dei aykni graft, un uf dei feel greeks-gnechta,

Hosea 10:13 ပူးပေါင်းရင်းမြစ်များ

Hiob 4:8

Dess havvich shund ksenna, selli es ungerechtichkeit bloowa, un selli es druvvel sayya, doon's aw eahnda.

Psalm 33:16

En kaynich vatt nett aus di kfoah kalda deich sei feel greeks-gnechta; en greeks-gnecht hald sich nett frei bei sei grohsi graft.

Psalm 52:7

“Gukket moll, dess is da mann es sich nett falossa hott uf Gott fa fechta fa een, avvah eah hott gedraut in sei grohsi reichheit, un is shteik vadda deich anri nunnah reisa.”

Psalm 62:10

Falosset eich nett uf rawves, un doond eiyah fadrauwa nett in kshtohla shtoft. Vann diah reich vaddet, setzet eiyah hatza nett uf sell.

Shpricha 1:31

so zayla si di frucht essa funn iahra ayknah vayk, un zayla satt sei mitt di frucht funn iahra shkeems.

Shpricha 12:19

Leftz es di voahret sawwa, bleiva fa'immah, avvah en zung es leekt, shtayt nett lang.

Shpricha 13:2

Di frucht funn en mann sei maul gebt eem goodi sacha, avvah selli es fafiahra, vella yusht fechta.

Shpricha 19:5

En falshah zeiyah zayld nett unkshtrohft gay, un sellah es leeya sawkt zayld nett frei gay.

Shpricha 22:8

Veah unrecht sayt, eahnd druvvel, no kumd di root funn seim zann zu en end.

Breddichah 9:11

Ich habb aw dess ksenna unnich di sunn: Selli es shteik shpringa doon nett immah beeda, un di shteika henn nett immah ivvah-hand im greek. Selli mitt veisheit henn nett immah ess-sach; di shmeahda sinn nett immah reich, un di glanda vadda nett immah bessah gyoost. Avvah di recht zeit un glikk dreft alli-ebbah.

Jesoiya 17:11

un vann du si vaxa machsht da dawk es du si blansht, un machsht si bleeya da saym meiya, doch zayld dei eahn en haufa sei es nix veaht is im dawk es grankeda un shmatza kumma es nett kayld sei kenna.

Hosea 11:12

Da Ephraim hott mich umringd mitt leeya, un's haus funn Israel mitt falshheit. Juda is alsnoch geyyich Gott, geyyich da shtandhaftich Heilich Gott.

Hosea 4:2

Avvah fluches, leeyes, maddahrei, shtayles un aybreches hott ivvah-hand gnumma. Un bloot-fageeses kumd ayns noch em anra.

Hosea 4:8

Si feedra sich uf di sind-opfahra funn mei leit, un gleicha iahra ungettlichkeit.

Hosea 7:3

Si macha da kaynich froh mitt iahra ungettlichkeit, un di evvahshti mitt iahra leeya.

Hosea 8:7

Si sayya da vind un eahnda en vind-veahvel. Iahra frucht im feld grikt kenn kebb, un's macht kenn mayl. Un vann's frucht gevva dayt, dann dayda di fremda's essa.

1. Samuel 24:14

Geyyich veah is da kaynich funn Israel raus kumma? Veah bisht du am nohch gay? En dohdah hund? En flay?