Hiob 9:20 - Pennsylvania Dutch Bible

²⁰ Vann ich sawk es ich gerecht binn, doch dutt mei ayya maul mich fadamma, diveil es ich unshuldich binn, dutt eah mich alsnoch shuldich hayva.

Hiob 9:20 ပူးပေါင်းရင်းမြစ်များ

Hiob 1:1

Es voah en mann es Hiob kaysa hott es im land funn Uz gvoond hott. Deah mann voah unshuldich un ufrichtich; eah hott Gottes-furcht katt un hott sich vekk kalda funn evil.

Hiob 10:15

Vann ich gottlohs binn, dann vay zu miah! Un even vann ich gerecht binn, dann dauf ich mei kobb nett uf hayva, fa ich binn ivvah-gnumma mitt mei shohm un dreebsawl.

Hiob 14:17

Mei ivvah-dreddes vatt uf gebunna in en sakk, un du deksht mei sinda zu.

Hiob 34:35

‘Da Hiob shvetzt unni sacha fashtay, sei vadda sinn unni veisheit.’

Hiob 35:16

dann dutt da Hiob sei maul uf macha mitt leahri vadda; eah hald oh shvetza un vayst nix.”

Hiob 4:17

‘Kann en mensh may gerecht sei es Gott? Kann en mann may rein sei es deah vo een gmacht hott?

Hiob 9:15

Even vann ich recht binn, kann ich eem kenn andvat gevva, ich kann yusht mei richtah frohwa fa bamhatzichkeit.

Hiob 9:2

“Yau, ich vays es awl sell voah is, avvah vi kann en mensh gerecht sei fannich Gott?

Hiob 9:28

dann dayt ich mich feicha veyyich mei shmatza, fa ich vays es du mich shuldich haybsht.

Hiob 9:29

Siddah es ich shund shuldich kfunna binn, favass sett ich shtravla fa nix?

Psalm 130:3

Vann du sinda uf shreiva daytsht, oh Hah, veah kend shtay?

Psalm 143:2

Gay nett in's gericht mitt dei gnecht, fa fannich diah is nimmand levendiches gerecht.

Shpricha 10:19

Vo feel vadda sinn, datt is di sind aebt fa sei, avvah veah sei leftz zu haybt, hott veisheit.

Shpricha 17:20

En mann mitt en grummi meind zayld nett goot du, un ebbah mitt en falshi zung fald in druvvel.

Jesoiya 6:5

No habb ich ksawt, “Vay zu miah, ich binn faloahra! Fa ich binn en mann mitt unreini leftz, un ich voon unnich en leit mitt unreini leftz; avvah doch henn mei awwa da Kaynich, da Awlmechtich Hah, ksenna.”

Lukas 10:29

Avvah eah hott nett vella di eah ufgevva, so hott eah Jesus kfrohkt, “Veah is mei nochbah?”

Lukas 16:15

No hott eah ksawt zu eena, “Diah sind selli vo gukka vella vi gerechti mennah fannich di leit, avvah Gott vayst vass in eiyah hatza is. Fasell vass hohch uf kohva is fannich leit, is en hass fannich Gott.”

1. Timotheus 6:5

Es bringd en gefecht unnich leit es shlechti gedanka henn un es di voahheit faloahra henn. Si mayna gettlichkeit helft eena veidah kumma im nadiahlicha. Funn so leit hald dich vekk.

Jakobus 3:2

Fa miah doon awl feel shtolbahra. Vann ebbah kenn faylah hott in vass eah sawkt is eah en folkummanah mann un kann sei gans leib eigraynd halda.