Hiob 7:16 - Pennsylvania Dutch Bible

¹⁶ Ich hass mei layva, ich vill nett on layva, loss mich gay, mei dawwa henn kenn mayning.

Hiob 7:16 ပူးပေါင်းရင်းမြစ်များ

1. Mosi 27:46

No hott di Rebekka ksawt zumm Isaac, “Dee veibsleit fumm Heth macha miah's gans falayt fa layva. Vann da Jakob sich en fraw nemd funn di veibsleit funn demm land, sell is, funn di dochtahra fumm Heth, vass goot zayld mei layva sei zu miah?”

1. Kaynicha 19:4

Avvah eah selvaht is noch en dawk veidah in di vildahnis ganga. Eah is an en baysa-bohm kumma un hott sich drunnah kokt. Eah hott kfrohkt fa shteahva un hott ksawt, “Dess is genunk, Hah, nemm nau mei layva funn miah; ich binn nett bessah es mei foah-feddah.”

Hiob 10:1

“Mei ayya layva aykeld miah. Ich zayl mich gay lossa un mich beglawwa, un ich zayl shvetza mitt en sayl es biddah is.

Hiob 10:20

Sinn nett mei poah dawk shiah goah ivvah? Loss mich gay, so es ich bissel frayt havva kann

Hiob 14:6

So gukk vekk funn eem so es eah roo hott, biss eah sei zeit nei gedu hott vi en gedunganah gnecht.

Hiob 6:9

Ich vott Gott veah villing fa mich doht drikka, es eah sei hand lohs lossa dayt un mich abshneida!

Hiob 7:15

so es mei sayl leevah fashtikka vett, un shtauva es vi dee shmatza havva.

Hiob 7:7

Fagess nett, oh Gott, es mei layva is vi en ohften, mei awwa zayla nee nimmi goodes sayna.

Hiob 9:21

Even diveil es ich unshuldich binn, gebb ich nix may um mei layva; ich hass mei ayya layva.

Psalm 144:4

Da mensh is vi en ohften, sei dawwa sinn vi en shadda es fagayt.

Psalm 39:10

Nemm dei shtraych funn miah vekk, ich binn am fagay deich di shtraych funn dei hand.

Psalm 39:13

Gukk vekk funn miah, so es ich mich viddah froiya kann, eb ich vekk gay un nimmi binn.

Psalm 39:6

Da mensh lawft rumm heah es vi en shadda, un macht sich unaydichah druvvel, eah sammeld feel geld, un vayst nett veah's greeya zayld.

Psalm 62:9

Niddah gachti mensha sinn yusht vi en ohften, hohch-gachti mensha sinn vi en leek; uf di vohk veeya si nix, alles zammah sinn si leichtah es en ohften.

Psalm 78:33

So hott eah iahra dawwa gmacht fagay vi en ohften, un si henn iahra yoahra ausglaybt mitt furcht.

Psalm 78:39

Eah hott gmeind es si yusht flaysh voahra, en vind es fabei blohst un kumd nett viddah zrikk.

Breddichah 2:17

So habb ich layva kast, veil di eahvet es gedu is unnich di sunn miah yusht dreebsawl gebrocht hott. Alles is leah un unni mayning, es vi am broviahra da vind fanga.

Jeremia 8:3

Vo-evvah es ich si anna yawk, zayla awl selli es ivvahrich sinn funn demm evila folk, vinsha si veahra doht, leevah es noch levendich sei,” sawkt da Awlmechtich Hah.

Jona 4:3

So nau, oh Hah, nemm mei layva vekk funn miah, fa ich vett leevah doht sei es layva.”

Jona 4:8

Vo di sunn uf kumma is hott Gott en haysah east vind kshikt, un di sunn hott so hays uf em Jona sei kobb ksheind es eah shiah ummechtich is vadda. Eah hott no gvinsht eah kend shteahva un hott ksawt, “Ich vett leevah doht sei es layva.”