Hiob 5:2 - Pennsylvania Dutch Bible

² Shpeit bringd da unksheit um, un fagunsht shlakt da dumm doht.

Hiob 5:2 ပူးပေါင်းရင်းမြစ်များ

1. Mosi 30:1

Nau vo di Rachel ksenna hott es see kenn kinnah havva kann fa da Jakob, is see jealous vadda funn iahra shveshtah. No hott see ksawt zumm Jakob, “Gebb miah kinnah, adda ich shtaub.”

1. Mosi 38:9

Da Onan hott gvist es deah sohn nett sei veah. So vann eah kshlohfa hott mitt sei broodah sei vitt-fraw, hott eah da sohma uf da bodda gay glost, so es es kenn sohn gebt fa sei broodah.

Hiob 18:4

Du dusht dich yusht selvaht vay mitt deim zann. Soll di eaht falossa sei fa dei sayk? Sella di shtay aus iahra blatz gnumma sei?

Psalm 107:17

Dayl voahra vi narra un henn missa leida deich iahra ivvah-dreddes un sinda.

Psalm 14:1

Da grohs-feelich sawkt in seim hatz, “Es hott kenn Gott.” So leit sinn unrein, vass si doon is grausam, 'sis nimmand es goot dutt.

Psalm 75:4

Ich sawk zu di shtolsa, ‘Doond nimmi braekka,’ un zu di gottlohsa, ‘Hayvet eiyah hann nett uf.

Psalm 92:6

En unksheidah mensh vayst dess nett, un en dummah mensh fashtayt's nett,

Shpricha 12:16

Vann en unksheidah mensh zannich vatt, veist eah's grawt, avvah en shmeahdah mann fa'acht's vann ebbah veesht shvetzt zu eem.

Shpricha 19:16

Sellah es es gebott hald, hald sei sayl; avvah sellah es sei vayk nett vatsht, kumd um.

Shpricha 19:19

En mann es kshvind bays vatt muss betzawla difoah, vann du eem aus druvvel helfsht, musht's yusht viddah du.

Shpricha 27:3

En shtay is shveah, un sand hott gvicht, avvah da druvvel es en unksheidah macht is shveahrah es si awl zvay.

Shpricha 8:5

Diah es nett bessah visset, fanget oh denka, un diah dummi leit, fanget oh fashtay.

Breddichah 7:9

Loss dich nett kshvind zannich vadda im geisht, fa yusht selli unni veisheit halda da zann.

Hosea 7:11

Ephraim is vi en dummi daub, es sich kshvind fafiahra lost. Seahsht roofa si zu Egypta, no drayya si zu Assur.

Jona 4:9

Avvah Gott hott ksawt zumm Jona, “Hosht du goodi uahsach fa bays sei veyyich em shtokk?” Da Jona hott ksawt, “Ich habb goodi uahsach fa bays sei, bays genunk fa shteahva.”

Römer 2:8

Avvah zu selli es yusht an sich selvaht denka un halda di voahheit nett, avvah lawfa ungerechtichkeit nohch, zu eena zayld's bays un zann sei.

2. Timotheus 3:6

Samm funn eena shleicha in heisah nei un fafiahra shvachi veibsleit biss si sich ivvah-gevva zu eena im glawva. Dee veibsleit sinn nunnah-glawda mitt sinda un gedrivva bei alli sadda lusht.