Hiob 5:12 - Pennsylvania Dutch Bible

¹² Eah drayt zu nix selli es shlichtichi sacha du vella, un macht's so es iahra hend's nett ausdrawwa kenna.

Hiob 5:12 ပူးပေါင်းရင်းမြစ်များ

1. Mosi 31:22

Da dritt dawk voah's ksawt zumm Laban es da Jakob difunn ganga is,

2. Samuel 11:9

Avvah da Uriah hott kshlohfa an di deah fumm kaynich-haus mitt awl di gnechta funn seim meishtah, un is nett nunnah an sei haymet ganga.

2. Samuel 17:14

Da Absalom un di mennah funn Israel henn no ksawt, “Em Husai, da Arkiddah, sei roht is bessah es sell fumm Ahithophel.” Da Hah hott's so auskshaft es em Ahithophel sei goodah roht fahinnaht voah so es aylend uf da Absalom fald.

2. Kaynicha 6:9

Da mann funn Gott hott no vatt kshikt zumm kaynich funn Israel un hott een gvand, “Gebb acht es du nett an sellah blatz gaysht, veil di Syrians datt nunnah gayn.”

Nehemia 4:15

Vo unsah feinda keaht henn es miah gvist henn vass si du vella, un es Gott si kshtobt hott, sinn miah viddah zrikk an di mavvah ganga, un alli-ebbah an sei eahvet.

Nehemia 4:9

Avvah miah henn gebayda zu unsah Gott, un henn vatsh-mennah ufkalda dawk un nacht geyyich vass si gedroit henn fa du.

Hiob 15:5

Dei maul vatt gland bei dei shuld, un du nemsht di vadda oh funn di shlichticha.

Psalm 21:11

Si henn im sinn fa evil du geyyich dich, un henn en shkeem ufkokt, avvah's zayld nett shaffa.

Psalm 37:17

Di eahm funn di gottlohsa vadda fabrocha, avvah da Hah haybt di gerechta uf.

Shpricha 21:30

'Sis kenn veisheit, kenn eisicht un kenn roht, es ufshtay kann geyyich da Hah.

Shpricha 22:12

Di awwa fumm Hah vatsha ivvah eisicht, avvah di vadda funn di unshtandhafticha vadda ivvah-kshmissa.

Jesoiya 19:3

Di Egyptah zayla moot faliahra, un vass si ausmacha fa du bring ich zu nix; si frohwa roht funn iahra abgettah, di geishta funn di dohda, un funn voah-sawwah un zaubahrah.

Jesoiya 37:36

Selli nacht is da engel fumm Hah naus ganga un hott en hunnaht un fimf un achtzich dausend mennah in di Assyrian camp umgebrocht. Vo di leit ufkshtanna sinn da neksht meiya, datt voahra awl dee dohda!

Jesoiya 44:25

deah es di voah-sawwah zaycha zu nix bringd, un di zaubahrah dumm gukka macht, deah es di mennah mitt veisheit zrikk drayt, un iahra veisheit zu dumheit drayt,

Jesoiya 8:10

Gevvet nannah roht, avvah's kumd zu nix, shvetzet zammah, avvah's shaft nett aus, veil Gott bei uns is.

Jeremia 49:7

Veyyich Edom: Dess is vass da Awlmechtich Hah sawkt: “Hott's kenn veisheit may in Theman? Is da roht faloahra ganga unnich di shmeahda? Is iahra veisheit fafauld?

Jeremia 8:8

Vi kennet diah sawwa, “Miah henn veisheit, fa miah henn's ksetz fumm Hah?” Avvah vass eiyah shrift-geleahrah kshrivva henn is deicha vekk en leek.

Obadia 1:8

“An selli zeit,” sawkt da Hah, “zayl ich di mennah mitt veisheit in Edom doht macha, di mennah es feel vissa uf em Berg Esau.

Di Apostelgeschichte 12:11

Vo da Petrus zu sich selvaht kumma is, hott eah ksawt, “Nau vays ich fashuah es da Hah sei engel kshikt hott. Eah hott mich aus em Herodes sei hand kfiaht, un aw funn vass di Yudda leit foah-gegukt henn fa sayna.”

1. Samuel 23:13

Da Dawfit un sei mennah sinn no aus Kegila ganga. 'S voahra baut sex hunnaht gvest, un si henn ohkalda funn ay blatz an da annah gay. Vo da Saul auskfunna hott es da Dawfit eem vekk kumma is aus Kegila, is eah no nett datt anna ganga.