Hiob 37:23 - Pennsylvania Dutch Bible

²³ Da Awlmechtich kenna miah nett finna, eah is zu mechtich mitt graft. Sei gerechtichkeit un gericht dutt eah nett beeya.

Hiob 37:23 ပူးပေါင်းရင်းမြစ်များ

Hiob 11:7

Kansht du di deefa sacha funn Gott ausfinna? Kansht du ausfinna alles es zu vissa is veyyich em Awlmechticha?

Hiob 11:8

So sacha sinn haychah es da himmel, vass kansht du du? Si sinn deefah es es grawb, vass kansht du vissa?

Hiob 12:13

Zu Gott heaht veisheit un macht; roht un fashtand sinn sei.

Hiob 25:2

“Gott is awlmechtich un leit missa een firchta, eah macht fridda im haychshta himmel.

Hiob 26:14

Avvah dess is yusht da ohfang funn sei vayya, miah heahra yusht en pishbah funn eem. Veah kann's gviddah funn sei macht fashtay?”

Hiob 36:26

Gukk moll, Gott is grohs, un miah doon een nett kenna, miah kenna nett zayla vi ald es eah is.

Hiob 36:3

Ich grikk vass ich vays funn veit ab, un ich zayl veisa es mei Sheffah gerecht is.

Hiob 36:5

Gott is mechtich avvah eah fa'acht nimmand, eah is mechtich in vass eah fashtayt.

Hiob 37:19

Sawk uns vass miah sawwa sedda zu eem, miah sinn im dunkla un vissa nix.

Hiob 37:22

Aus di natt kumd en goldichah shein, Gott is geglayt mitt en shreklichi hallichkeit.

Hiob 8:3

Dutt Gott sei richtes fadrayya? Dutt da Awlmechtich letz macha vass recht is?

Hiob 9:19

Vann's kumd zu macht un gvald, dann is eah mechtich; vann's kumd zu vass recht is, veah kann een bei roofa?

Hiob 9:4

Eah hott grohsi veisheit un is mechtich, veah kann sich geyyich een shtella unni sich selvaht shawda du?

Psalm 145:3

Da Hah is grohs, un is es veaht fa gepreist sei; sei grohsi eah is unbegreiflich.

Psalm 30:5

Fa sei zann bleibt yusht fa en awwa-blikk, avvah sei gnawt bleibt so lang es miah layva. Heiles un dreebsawl bleibt deich di gans nacht, avvah frayt kumd da neksht meiya.

Psalm 62:11

Ay moll hott Gott kshvetzt, un zvay moll havvich dess keaht: Gott laynich is mechtich.

Psalm 62:12

Un zu diah, oh Hah, heaht grohsi leevi, fa du bezawlsht yaydah ebbah fa vass eah fadeend hott.

Psalm 65:6

du es di berga gmacht hosht mitt dei graft, un dei grohsi macht gvissa hosht,

Psalm 66:3

Sawwet zu Gott, “Vi vundahboah sinn dei verka! Dei graft is so grohs, es dei feinda sich beeya missa fannich diah.

Psalm 93:1

Da Hah is kaynich, un is geglayt in hallichkeit; da Hah is geglayt in hallichkeit un ohgedu mitt graft. Eah hott di veld fesht gegrund un see kann nett gmooft sei.

Psalm 99:4

Da Kaynich is mechtich un leebt richtes— du hosht auskshaft vass recht is. Du hosht gerechtichkeit un gericht auskshaft im Jakob.

Breddichah 3:11

Eah hott alles shaynes gmacht an di recht zeit. Eah hott aw di ayvichkeit in mensha iahra hatza ksetzt, avvah doch kann da mensh nett vissa vass Gott gedu hott fumm ohfang biss an's end.

Breddichah 7:24

Vass-evvah es veisheit is, is oahrich deef un veit ab, veah kann's finna un's fashtay?

Jesoiya 45:21

Kummet zammah un machet aus vass diah foah bringa vellet. Veah hott dess foahksawt lang zrikk, un veah hott dess fakindicht an selli zeit? Voah's nett mich, da Hah? Es hott kenn Gott unni mich, en gerechtah Gott un Heiland; es hott kennah unni mich.

Jesoiya 63:9

In awl iahra leides, hott eah aw glidda, un da engel fumm Hah hott si aus di kfoah gnumma. In sei leevi un bamhatzichkeit hott eah si frei ksetzt; eah hott si uf kohva un si gedrawwa, di gans zeit in di alda dawwa.

Ezekiel 18:23

Maynet diah es ich habb frayt vann di ungettlicha shtauva?” frohkt da Awlmechtich Hah. “Nay, avvah's is miah fraylich vann si funn iahra ungettlichi vayya drayya un layva.

Ezekiel 18:32

Ich habb kenn frayt vann ennich ebbah shtaubt,” sawkt da Awlmechtich Hah. “Bekeahret eich un layvet!”

Ezekiel 33:11

No sawk zu eena, ‘So shuah es ich layb, sawkt da Awlmechtich Hah, ich habb kenn blesiah am doht funn di gottlohsa, avvah leevah es di gottlohsa vekk drayya funn iahra vayya un layva bleiva. So drayyet, drayyet vekk funn eiyah evili vayya! Favass vellet diah shtauva, diah haus funn Israel?’

Matthäus 6:13

Un fiah uns nett in di fasuchung, avvah hald uns fumm evila. Fa dei is es Reich, di graft, un di hallichkeit in ayvichkeit. Amen.

Lukas 10:22

Alli sacha voahra gevva zu miah bei meim Faddah, un nimmand vi yusht da Faddah vayst veah da Sohn is. Un nimmand vi yusht da Sohn un selli vo eah's gevva vill ditzu vissa veah da Faddah is.”

Römer 11:33

Vi deef is doch di reichheit, di veisheit un di eisicht funn Gott. Nimmand kann sei richtes fashtay, un nimmand kann sei vayya ausfinna.

1. Timotheus 6:16

Eah laynich kann nett shtauva un laybt in di helling es nimmand nayksht kumma kann ditzu. Nimmand hott een selayva ksenna un nimmand kann een sayna. Zu eem sei di eah un di ayvich macht. Amen.

Hebräer 12:10

Si henn uns kshtrohft fa en katzi zeit, so vi si gmaynd henn's veah's besht. Avvah eah shtrohft uns fa unsah ayya goot, so es miah en dayl havva kenna in sei heilichkeit.