Hiob 37:13 - Pennsylvania Dutch Bible

¹³ Eah shikt reyyah fa di eaht vessahra, eah mecht's shikka fa leit shtrohfa, adda fa sei shtandhaftichi-leevi veisa.

Hiob 37:13 ပူးပေါင်းရင်းမြစ်များ

2. Samuel 21:10

Di Rizpah em Aiah sei maydel hott no sekk-glaydah gnumma un hott si ausnannah glaykt fa sich selvaht uf en felsa. Fumm ohfang funn di eahn biss da reyya fumm himmel runnah uf di dohda leivah kfalla is, hott see di fekkel dawks vekk kalda un di vilda diahra nacht's.

2. Samuel 21:14

Si henn di gnocha fumm Saul, un seim boo, da Jonathan, fagrawva an Zela im land Benjamin, im grawb fumm Saul sei daett, da Kis. Si henn alles gedu es da kaynich ksawt katt hott. Noch sellem hott Gott iahra gebaydah viddah keaht fa's land.

1. Kaynicha 18:41

Da Elia hott no ksawt zumm Ahab, “Gay, ess un drink; ich heah di yacht funn en grohsah reyyah.”

1. Kaynicha 18:45

Glei is da himmel dunkel vadda mitt volka un vind, un en grohsah reyya is kumma. Un da Ahab is noch Jesreel kfoahra.

Ezra 10:9

So in drei dawk's zeit henn awl di mennah funn Juda un Benjamin sich fasammeld in Jerusalem. Un uf em zvansishta dawk fumm neinda moonet henn awl di leit im uffena blatz kokt fannich em haus funn Gott. Si voahra am ziddahra veyyich dee sach un veil's am oahrich reyyahra voah.

Hiob 36:31

Sell is vi eah di leit richta dutt, un gebt eena feel ess-sach.

Hiob 37:14

Nau heich moll, Hiob, shtobb un denk ivvah di vundahboahri sacha funn Gott.

Hiob 37:6

Eah sawkt zumm shnay, ‘Fall uf di eaht,’ un zumm reyyah, ‘Leah shteik aus.’

Psalm 65:10

Du vessahsht di blooks-feicha gans haftich, un machsht di roiya ayva. Du machsht's vayyich mitt reyyah un saykendsht's bei's vaxa macha.

Joel 2:23

Froiyet eich, diah leit funn Zion, seind fraylich im Hah eiyah Gott. Eah hott eich di shpoht-yoah reyyah gevva, fa eich lanna in gerechtichkeit. Eah hott sei reyyah ausgleaht uf eich, di freeya un shpohda reyyah vi difoah.