Hiob 33:22 - Pennsylvania Dutch Bible

²² Sei sayl kumd nayksht an's grawb un sei layva nayksht zu selli es da doht bringa.

Hiob 33:22 ပူးပေါင်းရင်းမြစ်များ

2. Samuel 24:16

Vo da engel sei hand naus kshtrekt hott fa Jerusalem shlauwa, hott's da Hah kshpeit fa awl dess evil, un eah hott ksawt zumm engel es am di leit fafolka voah, “Sell is genunk! Nemm dei hand ab.” Da engel fumm Hah voah am dresha-floah fumm Araunah, da Jebusiddah.

Hiob 15:21

Vass eah heaht, fagelshtaht een, un diveil es eah fridda hott, kumd sellah ivvah een es fadaubt.

Hiob 17:1

“Mei ohften is shvach; mei dawwa zayla nett lang sei, 's grawb is am voahra fa mich.

Hiob 33:18

un so es eah sei sayl aus em grawb halda kann, un sei layva halda funn doht gmacht sei mitt em shvatt.

Hiob 33:28

Eah hott mei sayl frei-kshteld funn nunnah in's grawb gay, mei layva zayld's licht sayna.’

Hiob 7:7

Fagess nett, oh Gott, es mei layva is vi en ohften, mei awwa zayla nee nimmi goodes sayna.

Psalm 107:18

Awl's ess-sach hott eena gaygeld, un si voahra nayksht am doht.

Psalm 17:4

So veit es di verka funn mensha oh gayn, havvich kenn evil gedu mitt gvald, bei's vatt funn dei leftz halda.

Psalm 30:3

Du hosht mich fumm dohda kalda, oh Hah; du hosht mich levendich kalda, es ich nett nunnah in's grawb gay habb missa.

2. Mosi 12:23

Vann da Hah deich's land gayt fa di Egyptah shlauwa mitt em dohdes-blohk dann saynd eah's bloot ovva un uf di seits funn di deahra-frayms. No gayt eah ovva drivvah un lost sellah vo doht macht nett in eiyah haus kumma un eich nunnah shlauwa.

Jesoiya 38:10

Ich habb ksawt, “An di besht zeit funn mei layva, muss ich deich's doah fumm doht gay, un's ivvahrich funn mei layva vatt vekk gnumma?”

Di Apostelgeschichte 12:23

En engel fumm Hah hott een grawt nunnah kshlauwa, veil eah nett di eah zu Gott gevva hott. Un veahm henn da Herodes kfressa, un eah is kshtauva.

1. Korinther 10:10

Grumlet aw nett vi samm funn eena henn un si voahra umgebrocht bei demm vo fadaubt.

Di Offenbarung 9:11

Si henn en kaynich ivvah sich katt. Dess voah da engel fumm brunna unni bodda. Sei nohma in di Hebrayish zung is Abaddon, un in di Greeyish zung hayst eah Apollyon.

1. Samuel 2:6

Da Hah macht doht un macht levendich, eah fiaht in's grawb un viddah raus.