Hiob 32:21 - Pennsylvania Dutch Bible

²¹ Ich zayl kenn seit nemma in demm, un ich zayl kenn mensh ohshmaychla.

Hiob 32:21 ပူးပေါင်းရင်းမြစ်များ

2. Samuel 14:17

No hott dei mawt gedenkt, ‘Loss es vatt funn meim hah da kaynich miah roo bringa, fa mei hah da kaynich is vi en engel funn Gott am ausmacha vass goot adda evil is. So vatt da Hah dei Gott bei diah sei.’”

2. Samuel 14:20

Dei gnecht da Joab hott dess gedu so es di sach fa'ennaht vatt es nau am ohgay is. Mei hah hott di veisheit funn en engel funn Gott—eah vayst alles es am ohgay is im land.”

Hiob 13:10

Eah dutt geviss eich zanka vann diah ayseidich sind hinna rumm.

Hiob 13:8

Zayla diah eich kfellich macha zu Gott, zaylet diah sei lawyah sei?

Hiob 32:20

Ich muss shvetza un ablawda, ich muss mei leftz uf macha un andvat gevva.

Hiob 32:22

Ich vays nett vi zu ohshmaychla, adda dann dayt mei Sheffah mich vekk nemma.”

Hiob 33:3

Mei vadda kumma aus en ufrichtich hatz, un mei leftz shvetza eahnshtlich vass ich vays.

Hiob 34:19

deah es nett ayseidich is zu evvahshti, un es nett unnahshidlich is zu di reicha ivvah di oahma? Sinn si nett awl di eahvet funn sei hend?

Psalm 82:2

Vi lang zayla diah unrecht richta, un ufshtay fa di gottlohsa? (Sela)

Shpricha 24:23

Dess sinn aw vadda funn selli mitt veisheit: Es is nett goot fa seits nemma am richta.

Shpricha 28:23

Ebbah es en mann grawt raus zankt, grikt shpaydah may dank, es vi ebbah es en mann ohshmaycheld mitt di zung.

3. Mosi 19:15

Diah sellet nett uneahlich sei in eiyah gericht. Diah sellet kenn unnahshitt macha fa di oahma, un aw di mechticha nett bei-shtay. Avvah diah sellet feah sei vann diah eiyah nochbah richtet.

Maleachi 2:9

“Fasell habb ich gmacht es diah nunnah gegukt sind drivvah un nix veaht gezayld sind bei awl di leit, veil diah mei vayya nett kalda hend un di leit nett awl gleicha yooset vann diah si lannet.”

Matthäus 22:16

Un si henn iahra yingah zu eem kshikt mitt dee vo zumm Herodes kshtokka henn un henn ksawt, “Meishtah, miah vissa es du di voahret sawksht, un da vayk Gottes recht auslayksht, un du gebsht nix um mensha, fa du haybsht kenn mann haychah es en anrah.

5. Mosi 1:17

Diah sellet kenn unnahshitt macha in eiyah richtes. Heichet di grohsa un di glenna gleicha oh. Feichet eich nett veyyich ennichah mann, fa richtes is funn Gott. Vann avvah en sach zu hatt is fa eich, dann bringet's zu miah, no heich ich's ab”

5. Mosi 16:19

Diah sellet nett unnahshidlich sei in eiyah gericht, un sell vass recht is nett beeya. Diah sellet kenn kshenkah nemma hinna rumm, fa so kshenkah fablenna di awwa funn selli mitt veisheit un fadrayya di vadda funn di gerechta.