Hiob 31:9 - Pennsylvania Dutch Bible

⁹ Vann deich en veibsmensh mei hatz glusht hott, adda vann ich gvoaht habb an mei nochbah sei deah,

Hiob 31:9 ပူးပေါင်းရင်းမြစ်များ

1. Kaynicha 11:4

Vi da Solomon ald vadda is henn sei veivah sei hatz zu anri gettah gedrayt. Sei hatz hott da Hah, sei Gott, nett folshtendich gedeend vi's hatz fumm Dawfit sei faddah katt hott.

Nehemia 13:26

Voah's nett deich sacha vi dess es da Solomon, da kaynich funn Israel, ksindicht hott? Es voah kenn kaynich vi een unnich di feel heida. Eah voah beleebt bei sei Gott, un Gott hott een kaynich gmacht ivvah gans Israel. Avvah even eah voah in sinda nei kfiaht bei ausahri veibsleit.

Hiob 31:1

“Ich habb en bund gmacht mitt mei awwa, es ich nett an en yung maydel gukk mitt lusht.

Shpricha 22:14

Es maul funn en huah is vi en deef loch, sellah es Gott zannich is mitt fald datt nei.

Shpricha 6:25

Du nett lushta in deim hatz noch iahra shayheit, un loss see dich nett fanga mitt iahra awwa-dekkel.

Shpricha 6:27

Kann en mann feiyah drawwa in sei shohs, un sei glaydah doon nett fabrenna?

Shpricha 7:21

See hott een fashvetzt mitt iahra shlichtich kshvetz, un hott een nei kshvetzt mitt gladdi vadda.

Breddichah 7:26

Ich habb dess auskfunna: May biddah es da doht, is es veibsmensh es en hatz hott vi en fall un fang-nets, un hend hott vi kedda. Veah Gott kfellich is kumd vekk funn iahra, avvah da sindah vatt kfanga bei iahra.

Jeremia 5:8

Si sinn goot-kfeedahdi hengshta mitt lusht un henn glusht noch anri iahra veivah.

Hosea 7:4

Si sinn awl aybrechah, am brenna vi's feiyah in en bakk-offa es nett kshtatt sei brauch beim bakkah, biss da dayk uf ganga is.

3. Mosi 20:10

Vann ebbah di ay brecht mitt ebbah shunsht sei fraw—mitt sei nochbah sei fraw—dann soll da mann un di fraw awl zvay doht gmacht sei.

5. Mosi 5:21

Diah sellet nett lushta fa eiyah nochbah sei fraw. Diah sellet nett vinsha fa eiyah nochbah sei haus adda land, fa sei gnecht adda mawt, fa sei ox adda aysel, adda fa ennich ebbes es zu eiyah nochbah heaht.”

Richtah 16:5

No sinn di roolahs funn di Philishtah zu iahra kumma un henn ksawt zu iahra, “Gukk moll eb du een fashvetza kansht fa diah veisa vo sei grohsi graft leit. Finn aus vi miah een ivvah-kumma kenna, so es miah een binna kenna es eah sich nett helfa kann. No gebt yaydahs funn uns diah elf hunnaht shtikkah silvah.”