Hiob 31:7 - Pennsylvania Dutch Bible

⁷ Vann mei shritt fumm vayk gedrayt is, vann mei hatz mei awwa nohch ganga is, adda vann mei hend fadrekt vadda sinn,

Hiob 31:7 ပူးပေါင်းရင်းမြစ်များ

Hiob 16:17

Avvah mei hend henn nimmand ebbes gedu, un mei gebayt is rein.

Hiob 17:9

Avvah di gerechta halda oh iahra vayk gay, un selli mitt reini hend vadda shteikah.

Hiob 23:11

Ich habb mei foos grawt in sei pawt kalda; ich habb sei vayk kalda un binn nett vekk gedrayt.

Hiob 27:5

Ich zayl selayva nett uf aykna es diah recht sind; biss ich shteahb, zayl ich sawwa es ich unshuldich binn.

Hiob 27:6

Funn mei gerechtichkeit binn ich shuah un gebb's nett uf, mei hatz is nett gedruvveld so lang es ich layb.

Hiob 9:30

Even vann ich mich vesha dayt mitt shnay-vassah, un mei hend vesha dayt mitt lawk,

Psalm 101:3

Ich loss kenn evil ding fannich mei awwa kumma; ich hass di eahvet funn selli es vekk falla, un ich loss iahra sacha nett ivvah-nemma in miah.

Psalm 7:4

vann ich letz gedu habb zu demm es freindlich is zu miah, adda sellah grawbt habb es mei feind is unni uahsach,

Breddichah 11:9

Sei fraylich, yungah mann, diveil es du yung bisht; loss dei hatz dich froh macha diveil es du yung bisht. Du vass glushtich is zu deim hatz, un vass-evvah es dei awwa sayna, avvah fagess nett es Gott dich richta zayld fa awl dess.

Jesoiya 33:15

Sellah es lawft in gerechtichkeit, un shvetzt vass recht is, sellah es uneahlich geld nunnah drayt, un lost sei hand nett kshenkah nemma hinna rumm, sellah es nett abheicht zu selli es leit umbringa vella, un sellah es nett uf evil gukt.

Ezekiel 14:3

“Mensha-kind, dee mennah henn abgettah ufkokt in iahra hatza un henn ungettlichi shtolbah-shtay fannich iahra ksichtah gedu. Sett ich si lossa mich ennich ebbes frohwa?

Ezekiel 14:7

Vann en Israeliddah adda en fremdah es in Israel voond sich funn miah vekk drayt, un abgettah ufhokt in seim hatz, un en ungettlichah shtolbah-shtay fannich sei ksicht dutt, un gayt no zumm brofayt fa ebbes frohwa funn miah, dann doon ich da Hah selvaht eem andvadda.

Ezekiel 6:9

No zaylet diah, es levendich deich dess kumma, an mich denka vann diah vekk gedrawwa vaddet unnich di heida. Diah denket droh vi vay es ich gedu voah bei iahra falushti hatza es sich vekk gedrayt henn funn miah, un bei iahra abgettishi awwa es glusht henn noch iahra abgettah. Si zayla sich hassa fa's evil es si gedu henn un di ungettlicha sacha es si drinn voahra.

4. Mosi 15:39

Vann diah an dee fransla gukket, soll's eich droh denka macha an awl di gebodda fumm Hah, so es diah si doond, un nett eiyah aykni hatza un awwa nohch gaynd un lushtet noch abgettah.

Matthäus 5:29

Vann dei rechts awk di shuld is es du in sinda kumsht, dann reis es raus un shmeis es vekk. Es is bessah es ay shtikk funn dei leib faloahra gayt es vi dei gans leib in di hell kshmissa vatt.