Hiob 31:34 - Pennsylvania Dutch Bible

³⁴ veil ich mich kfeicht habb veyyich di leit, un so en angsht katt habb funn iahra kshvetzah, es ich shtill voah un nett aus em haus ganga binn?

Hiob 31:34 ပူးပေါင်းရင်းမြစ်များ

2. Chronik 32:18

Si henn no laut naus gegrisha in di Hebrayish shprohch zu di leit funn Jerusalem es ovva uf di mavvah voahra. Si henn dess gedu fa si fagelshtahra un sich feicha macha, so es si di shtatt ivvah-nemma kenna.

Nehemia 13:28

Ayns fumm hohchen-preeshtah Eliasib sei boova, da Joiada, hott en boo katt es keiyaht voah zumm Sanballat sei maydel, un da Sanballat voah en Horoniddah. So habb ich da Joiada vekk gyawkt funn miah.

Nehemia 5:7

Ich habb dee sacha ivvah-gedenkt, un habb di evvahshti un foah-gengah fasholda un ksawt zu eena, “Diah sind am indressa nemma funn eiyah aykni breedah!” No habb ich en grohsi fasamling zammah groofa veyyich demm.

Esther 4:11

“Awl em kaynich sei gnechta un awl di leit im kaynich-reich vissa es ennich ebbah, manskal adda veibsmensh, es nei gayt zumm kaynich in sei innahlichah hohf unni kfoddaht sei, muss doht gmacht sei so vi di law sawkt. 'Sis yusht ay vayk fa um dee law rumm, un sell is vann da kaynich sei goldichah zeptah naus haybt zu ebbah, no kann eah levendich bleiva. Avvah's is shund dreisich dawk siddah es da kaynich mich kfoddaht hott fa zu eem kumma.”

Esther 4:14

Vann du nix sawksht an dee zeit, dann kumd hilf un freiheit funn dee kfoah zu di Yudda funn eiyets shunsht, avvah du un dei daett sei family zaylet umkumma. Un veah vayst eb nett fleicht du an deah kaynichlich blatz kumma bisht fa so en zeit vi dess?”

Hiob 22:8

Du voahsht en mechtichah mensh mitt land, un hosht dei freind glost druff voona.

Hiob 34:19

deah es nett ayseidich is zu evvahshti, un es nett unnahshidlich is zu di reicha ivvah di oahma? Sinn si nett awl di eahvet funn sei hend?

2. Mosi 23:2

Du solsht dich nett mitt selli shtella vo's mensht sinn, fa letz du. Du solsht's gericht nett fadrayya bei's mensht funn di leit nohch gay, un falshi zeiknis gevva.

2. Mosi 32:27

Eah hott ksawt zu eena, “Dess is vass da Hah, da Gott funn Israel sawkt, ‘Alli mann funn eich soll sei shvatt an sei hift du, un deich di camp gay funn aym end biss an's anra. Yaydah mann muss sei broodah, freind un nochbah doht macha.’”

Shpricha 29:25

Di furcht fumm mensh setzt en fall, avvah veah sich falost uf da Hah, bleibt aus di kfoah.

Jeremia 38:16

Da Kaynich Zedekia hott no laynich zumm Jeremia kshvoahra: “So shuah es da Hah laybt, deah es uns ohften gebt, zayl ich dich nett doht macha un dich aw nett ivvah-drayya zu selli es dich doht macha vella.”

Jeremia 38:19

Da Kaynich Zedekia hott no ksawt zumm Jeremia, “Ich feich mich veyyich di Yudda es nivvah ganga sinn zu di Chaldayah. Di Chaldayah mechta mich ivvah-drayya zu eena un si dayda mich veesht yoosa.”

Micha 7:3

Iahra zvay hend sinn goot droh am letz du; di roolahs frohwa fa geld, un di richtah nemma geld hinna rumm. Di mechticha un reicha leit sawwa eena vass zu du, so shaffa si awl zammah.

2. Korinther 5:16

Funn nau on doon miah nimmand may kenna bei vass eah is im flaysh. An ay zeit henn miah Christus gekend bei vass eah voah in seim flaysh, avvah miah kenna een nimmi so nau.