Hiob 31:15 - Pennsylvania Dutch Bible

¹⁵ Hott nett sellah es mich gmacht hott in mei muddahs-leib, mei gnechta aw gmacht? Hott nett Gott uns awl gmacht im muddahs-leib?

Hiob 31:15 ပူးပေါင်းရင်းမြစ်များ

Nehemia 5:5

Nau unsah flaysh un bloot is grawt vi unsah breedah iahres, un unsah kinnah sinn yusht so goot es iahri. Doch missa miah unsah boova un mayt uf du fa bunds-gnechta vadda, un dayl funn unsah mayt sinn nau shund bunds-mawda. Miah kenna nix du diveyya veil unsah feldah un vei-goahra zu anri heahra.”

Hiob 10:3

Kfald's diah fa mich fafolka, fa di eahvet funn dei hend nunnah drayya, diveil es du froh bisht mitt di shkeems funn di gottlohsa?

Hiob 31:14

dann vass kend ich du vann Gott fannich miah shtayt? Vass fa andvat gebb ich eem vann eah mich richt?

Hiob 34:19

deah es nett ayseidich is zu evvahshti, un es nett unnahshidlich is zu di reicha ivvah di oahma? Sinn si nett awl di eahvet funn sei hend?

Hiob 4:17

‘Kann en mensh may gerecht sei es Gott? Kann en mann may rein sei es deah vo een gmacht hott?

Psalm 119:73

Dei hend henn mich gmacht un kshaffa, gebb miah eisicht, so es ich dei gebodda lanna kann.

Shpricha 14:31

Veah-evvah es di oahma nunnah drett, leshtaht Sellah es si gmacht hott, avvah ebbah es bamhatzich is zu selli in noht, eaht Gott.

Shpricha 22:2

Di reicha un di oahma sinn gleicha in ay ding; da Hah hott si awl gmacht.

Jesoiya 58:7

Fadaylet eiyah ess-sach mitt di hungahricha, un bringet di oahma unni en haymet in eiyah haus; vann diah di nakkicha saynet, dekket si zu, un gevvet acht uf selli funn eiyah ayya flaysh un bloot.

Maleachi 2:10

Henn miah nett awl ay Faddah? Hott nett ay Gott uns kshaffa? So favass fabrecha miah's bund funn unsah foah-feddah bei nett eahlich sei mitt-nannah?