Hiob 23:13 - Pennsylvania Dutch Bible

¹³ Avvah eah shtayt laynich; veah kann geyyich een gay? Eah dutt vass eah vill.

Hiob 23:13 ပူးပေါင်းရင်းမြစ်များ

Hiob 10:13

Un doch hosht du dee sach in deim hatz katt, ich vays es dess in dei meind voah:

Hiob 10:7

Du vaysht es ich nett shuldich binn, un es nimmand mich aus dei hand nemma kann.

Hiob 11:10

Vann eah kumd un dutt ebbah eishtekka, un dutt een no richta, veah kann een shtobba?

Hiob 12:14

Vass eah nunnah reist, kann nett viddah ufgebaut sei, vann eah en mann eishtekt, kann eah nett lohs glost sei.

Hiob 23:12

Ich habb's gebott funn sei leftz nett ivvah-gedredda; di vadda funn sei maul sinn may keshtlich zu miah es ess-sach.

Hiob 23:14

Eah drawkt aus vass eah auskshprocha hott veyyich miah, un feel so sacha es noch in sei meind sinn.

Hiob 34:29

Avvah vann eah shtill bleibt, veah kann een fadamma? Vann eah sei ksicht fashtekkeld, veah kann een sayna? Doch is eah ivvah da mensh un ivvah di heida,

Psalm 115:3

Unsah Gott is im himmel, eah dutt ennich ebbes es eah vill.

Psalm 135:6

Da Hah dutt vass-evvah es eah vill im himmel un uf di eaht, im say un in di deefa bletz.

Shpricha 19:21

En mann hott feel sacha im sinn fa du, avvah da Hah zayld's ausrichta vi eah's vill.

Breddichah 1:15

Vass grumm is, kann nett grawt gmacht sei; vass nett datt is, kann nett gezayld sei.

Breddichah 3:14

Ich vays es alles es Gott dutt shtay zayld fa'immah; nix kann ditzu gedu vadda un nix vekk gnumma vadda. Gott dutt dess so es mensha een firchta sella.

Jesoiya 46:10

Ich mach's end gvissa fumm ohfang, un funn lang zrikk biss vass noch am kumma is. Vass ich du vill, zayld shtay, un ich du sell es ich du vill.

Jesoiya 46:11

Ich roof en awdlah funn di east, un funn en land veit ab, en mann fa mei villa du. Vass ich ksawt habb, sell zayl ich du; vass ich im sinn habb, sell doon ich.

Daniel 4:35

Awl di leit uf di eaht sinn gezayld es vi nix. Eah dutt vi eah vill, mitt di macht fumm himmel, un mitt di leit funn di eaht. Nimmand kann sei hand zrikk hayva, Adda zu eem sawwa, “Vass hosht du gedu?”

Römer 9:19

Du sawksht dann zu miah, “Favass dutt eah dann shuld finna mitt uns? Veah kann geyyich sei villa shtay?”

Jakobus 1:17

Alli goot kshenk, un alli folkumma kshenk kumd funn ovva-heah, un kumd runnah fumm Faddah funn lichtah. Bei eem is kenn fa'ennahring, adda shadda es kumd funn sich drayya.