Hiob 22:28 - Pennsylvania Dutch Bible

²⁸ Vass du diah foah-nemsht zayld goot ausdrayya, un's licht zayld uf dei vayya sheina.

Hiob 22:28 ပူးပေါင်းရင်းမြစ်များ

Hiob 11:17

Dei layva zayld hellah sei es di mitt fumm dawk, un's dunkla zayld sei es vi meiyets.

Hiob 29:3

vi sei licht uf mei kobb ksheind hott, un ich binn deich's dunkla gloffa bei seim licht;

Hiob 33:28

Eah hott mei sayl frei-kshteld funn nunnah in's grawb gay, mei layva zayld's licht sayna.’

Psalm 1:3

Eah is vi en bohm es geblanst is nayvich di vassah-grikka, es sei frucht gebt an di recht zeit, un es sei bleddah nett favelka doon. Alles es eah dutt shaft goot aus.

Psalm 112:4

Es licht kumd im dunkla fa di ufrichticha, eah is gnaydich, bamhatzich un gerecht.

Psalm 20:4

es eah diah gebt vass dei hatz havva vill, un shaft alles aus es du im sinn hosht fa du.

Psalm 90:17

Loss di gnawt fumm Hah unsah Gott uf uns sei, sayken di eahvet es miah doon mitt unsah hend, yau, sayken di eahvet funn unsah hend.

Psalm 97:11

Es licht sheind uf di gerechta, un frayt sheind uf di ufrichticha im hatz.

Shpricha 4:18

Da vayk funn di gerechta is vi's licht free meiyets, es sheind hellah un hellah biss es gans dawk is.

Jesoiya 30:21

Vann diah lings adda rechts drayya vellet dann heahret diah en shtimm hinnich eich es sawkt, “Dess is da vayk, gaynd deah vayk.”

Glawk-Leedah 3:37

Veah kann shvetza un's kumd voah, unni es da Hah so gebodda hott?

Maleachi 4:2

Avvah fa eich es mei nohma firchtet, zayld di sunn funn gerechtichkeit uf kumma mitt hayles in iahra flikkel. Un diah zaylet naus gay un rumm tshumba vi kelvah es yusht aus em shtall glost sinn vadda.

Matthäus 21:22

Un vass-evvah es diah frohwet difoah in eiyah gebayt, dess greeyet diah vann diah glawva hend.”

Johannes 8:12

Jesus hott no viddah kshvetzt zu di leit, un hott ksawt, “Ich binn's licht funn di veld; deah vo miah nohch kumd lawft nett im dunkla, avvah eah zayld's licht fumm layva havva.”

Jakobus 4:15

In blatz funn sellem setsht sawwa, “Vann da Hah vill zayla miah layva un dess un sell du.”