Hiob 20:18 - Pennsylvania Dutch Bible

¹⁸ Vass eah kshaft hott difoah muss eah zrikk gevva, un sell vass eah fahandeld hott grikt eah nett di blesiah fa's gleicha.

Hiob 20:18 ပူးပေါင်းရင်းမြစ်များ

Hiob 20:10

Sei kinnah zayla bedla funn di oahma, un sei hend missa zrikk gevva vass eah gnumma hott.

Hiob 20:15

Eah shpautzt sei reichheit raus es eah kshlukt hott, Gott macht een si ruff bringa aus seim mawwa.

Hiob 20:5

es di gottlohsa nett lang fraylich sinn, un di frayt funn en evilah mann gans katz is?

Hiob 27:17

vass eah zammah sammeld, zayld gvoahra sei bei anri, un di unshuldicha fadayla sei silvah.

Hiob 31:25

vann ich mich kfroit habb veil ich so reich binn, un veil ich so feel zammah ksammeld habb,

Hiob 31:29

Habb ich mich kfroit vann's shlecht ganga is mitt mei feind, adda voah ich froh vann eah druvvel grikt hott?

Hiob 31:8

dann loss mich sayya un ebbah shunsht's frucht essa, un loss sell es vaxt fa mich aus di vatzel ufgrobt vadda.

Shpricha 1:12

vella si levendich shlukka vi da doht dutt, vella si gans shlukka vi's grawb dutt;

Shpricha 21:20

Keshtlich sach un ayl is in di haymeda funn selli mitt veisheit, avvah dummi leit essa's alles uf.

Jeremia 22:13

“Vay zu sellah es sei kaynich-haus baut mitt ungerechtichkeit, sei evvahshti shtubba mitt uneahlichkeit, sellah es sei leit macht shaffa fa nix, un betzawld si nett fa iahra eahvet.

Jeremia 22:17

“Avvah dei awwa un hatz gukka yusht fa uneahlich geld macha, fa unshuldich bloot fageesa un fa leit nunnah dredda un si rawva.”

Jeremia 51:34

“Da Kaynich Nebukadnezar funn Babylon hott uns kfressa, un uns in di shtatt funn Jerusalem umgebrocht, eah hott uns ausgleaht vi en leahrah tsheah. Eah hott uns kshlukt vi en shlang, un hott sei mawwa kfild mitt unsah besht sach, no hott eah's ivvahricha raus kshpautzt.”

Jeremia 51:44

Ich zayl Babylon iahra gott Bel shtrohfa; ich mach een raus shpautza vass eah kshlukt hott. Di heida zayla nimmi lengah zu eem lawfa; di mavvahra funn Babylon sinn nunnah kfalla.

Glawk-Leedah 2:16

Awl dei feinda macha iahra meilah uf, grohs uf geyyich dich; si shpodda un beisa iahra zay zammah; si sawwa, “Miah henn see zammah grissa, dess is da dawk es miah gvoaht henn difoah. Nau henn miah glaybt fa's sayna.”

Ezekiel 7:12

Di zeit is kumma, da dawk is do. Da kawfah froit sich nett un da fakawfah is nett bedreebt, fa da zann is geyyich alli-ebbah.

Hosea 9:1

Du dich nett froiya, oh Israel, so vi di heida doon. Fa du hosht huahrahrei gedrivva, un Gott falossa; du gleichsht da lohn funn huahra an alli dresha-floah.

Amos 8:4

Heichet dess, diah es uf leit in di noht dreddet un doond vekk mitt di oahma im land,

Matthäus 23:13

Es zayld vay sei zu eich shrift-geleahrah un Pharisayah, diah heichlah, veil diah's Himmel-Reich zu machet zu leit. Diah gaynd nett selvaht nei, un diah alawvet aw nett anri nei vo nei gay vella.

Matthäus 23:24

Diah blindi foah-gayyah, diah seenet en mikli raus avvah diah shlukket en kamayl!

5. Mosi 28:30

Diah zaylet fashprocha sei zu en yung maydel, avvah ebbah shunsht zayld see nemma un see macha shlohfa mitt eem. Diah zaylet en haus bauwa, avvah nee nett drinn voona. Diah zaylet en vei-goahra blansa, avvah di drauva nee nett essa.

5. Mosi 28:33

En fremd folk es diah nett kennet zayld's frucht essa funn eiyah eahvet un funn eiyah grund. Si zayla eich di gans zeit veesht yoosa un nunnah dredda.