Hiob 19:5 - Pennsylvania Dutch Bible

⁵ Vann diah eich ovvich mich hayva vellet, un miah mei shanda veisa vellet,

Hiob 19:5 ပူးပေါင်းရင်းမြစ်များ

Nehemia 1:3

Si henn ksawt zu miah, “Selli vo noch ivvahrich sinn un nett kfanga voahra datt im land, sinn in deefah druvvel un shohm. Di shtatt-mavvah funn Jerusalem is nunnah gebrocha un iahra doahra fabrend mitt feiyah.”

Hiob 19:4

Even vann ich letz gedu habb, sell bleibt mitt miah, nett eich.

Psalm 35:26

Loss selli sich shemma un gedaymeedicht vadda, es sich froiya ivvah mei dreebsawl. Loss selli geglayt sei mitt shohm un shand, es sich uf hayva ovvich mich.

Psalm 38:16

Fa ich habb ksawt, “Loss si nett sich froiya ivvah mich; loss si nett sich hohch uf hayva ivvah mich vann mei foos shlibt.”

Psalm 41:11

Ich vays es du froh bisht mitt miah, veil mei feind sich nett froiya kann ivvah mich.

Psalm 55:12

Vann en feind kshpass macha dayt funn miah, dann kend ich's shtenda; vann ebbah es mich hast sich uf hayva dayt ovvich mich, dann kend ich mich fashtekla funn eem.

Psalm 55:13

Avvah's is dich, en mann vi mich selvaht, mei kumrawt un mei freind.

Jesoiya 4:1

In sellah dawk zayla sivva veibsleit ay mann graebba un sawwa, “Miah essa unsah ayya ess-sach un greeya unsah aykni glaydah; loss uns yusht kaysa sei bei deim nohma, so es unsah shohm vekk gnumma vatt!”

Micha 7:8

Mei feinda, doond eich nett froiya ivvah mich, ich binn anna kfalla avvah ich zayl viddah uf shtay. Ich hokk im dunkla, avvah da Hah zayld mei licht sei.

Zephania 2:10

Dess is vass si greeya in blatz funn iahra hohchmoot, veil si em Awlmechticha Hah sei leit fashpott un faniddaht henn.

Sacharia 12:7

Da Hah zayld di greeks-gnechta in di tents funn Juda seahsht frei macha so es di eah fumm Dawfit sei nohch-kummashaft un di leit funn Jerusalem nett graysah sei zayld es di eah funn di leit funn Juda.

Lukas 1:25

“Dess hott da Hah gedu zu miah in di dawwa vo eah uf mich gegukt hott, fa mei shohm vekk nemma fannich di leit.”

Johannes 9:2

No henn sei yingah een kfrohkt, “Meishtah, veah hott ksindicht es deah mann blind geboahra voah? Eah, adda sei eldra?”

Johannes 9:34

No henn si ksawt zu eem, “Du voahsht gans in sinda geboahra, un nau vitt du uns lanna?” No henn si een naus gedu.

1. Samuel 1:6

Un di Peninnah hott see oahrich gretzt fa see zannich macha, veil da Hah di Hannah iahra muddahs-leib zu gmacht katt hott.