Hiob 16:4 - Pennsylvania Dutch Bible

⁴ Ich kend aw shvetza vi diah doond, vann diah in mei blatz veahret. Ich kend vadda geyyich eich sawwa, un mei kobb shidla geyyich eich.

Hiob 16:4 ပူးပေါင်းရင်းမြစ်များ

2. Kaynicha 19:21

Dess is es vatt es da Hah ksawt hott geyyich een: ‘Es leddich maydel, di Dochtah funn Zion, fa'acht un fashpott dich. Di Dochtah funn Jerusalem shiddeld iahra kobb hinnich diah in shpott.

Hiob 11:2

“Sella awl dee vadda gay unni andvat? Muss ebbah es feel shvetzt, immah recht sei?

Hiob 16:5

Avvah ich dayt eich greftich macha mitt mei maul, un da drohsht funn mei leftz dayt eich bessah feela macha.

Hiob 35:16

dann dutt da Hiob sei maul uf macha mitt leahri vadda; eah hald oh shvetza un vayst nix.”

Hiob 6:14

En mann sei freind sedda goot-maynich sei zu eem vann eah in druvvel is, even vann eah ufheaht da Awlmechtich firchta.

Psalm 109:25

Ich binn leit iahra shpott, vann si mich sayna, shidla si iahra kobb.

Psalm 22:7

Alli-ebbah es mich saynd dutt shpodda, si macha iahra maul uf, shidla da kobb un sawwa:

Psalm 22:8

“Eah hott sich falossa uf da Hah; loss da Hah kumma een hohla. Loss da Hah kumma een frei macha, siddah es eah em Hah kfellich voah.”

Psalm 44:14

Du hosht uns en kshvetz gmacht unnich di heida; si shidla iahra kebb un lacha veyyich uns.

Shpricha 10:19

Vo feel vadda sinn, datt is di sind aebt fa sei, avvah veah sei leftz zu haybt, hott veisheit.

Breddichah 10:14

Da unksheit mann hott feel zu sawwa, avvah nimmand vayst vass am kumma is. Nimmand vayst vass es gebt mitt eem shpaydah naus.

Jesoiya 37:22

Dess is es vatt es da Hah ksawt hott geyyich een: “Es leddich maydel, di Dochtah funn Zion, fa'acht un fashpott dich. Di Dochtah funn Jerusalem shiddeld iahra kobb hinnich diah.

Jeremia 18:16

Si henn iahra land en veeshtah blatz gmacht, en blatz es ayvichlich nix gezayld vatt. Alli-ebbah es fabei gayt is fashtaund, un shiddeld sei kobb.

Jeremia 48:27

Hosht du nett shpott gmacht ivvah Israel, es vann see kfanga gvest veah unnich deeb? Alli-mohl es du kshvetzt hosht veyyich iahra, hosht du dei kobb kshiddeld.

Glawk-Leedah 2:15

Awl selli es an diah fabei gayn shlauwa iahra hend zammah ivvah dich, si shpodda un shidla iahra kebb an di Dochtah Jerusalem. Si sawwa. “Is dess di shtatt es es hayst, see is es alli-shensht, un di frayt funn di gans eaht?”

Zephania 2:15

Dess is di fraylich shtatt es aus di kfoah voah. See hott zu sich selvaht ksawt, “Ich binn ebbes, un's is nimmand vi mich.” Vi fadauva is si vadda, en blatz fa vildi diahra! Alli-ebbah es fabei gayt, peift ivvah see, haybt sei hand uf un shpott.

Matthäus 7:12

Vass-evvah es diah havva vellet es leit doon zu eich, so sellet diah du zu eena. Es Ksetz un di Brofayda doon eishtimma mitt sellem.”

Römer 12:15

Froiyet eich mitt selli es sich froiya, un heilet mitt selli es heila.

1. Korinther 12:26

Vann ay dayl leida dutt, doon si awl mitt-nannah leida, un vann ay dayl hohch ohksenna vatt, doon si awl mitt-nannah sich froiya.