Hiob 15:30 - Pennsylvania Dutch Bible

³⁰ Eah kumd nett vekk fumm dunkla, es flamm drikkeld sei blansa uf, un da ohften funn Gott sei maul drawkt een vekk.

Hiob 15:30 ပူးပေါင်းရင်းမြစ်များ

Hiob 15:22

Eah glawbt nett es eah zrikk kumd fumm dunkla, eah is gmeikt fa's shvatt.

Hiob 15:23

Eah lawft rumm am gukka fa ess-sach, un sawkt, ‘Vo is es?’ Eah vayst es di dunkelheit nayksht is.

Hiob 15:34

Fa di gottlohsa leit sinn unfruchtboah, un feiyah brend di tents uf funn di uneahlicha.

Hiob 18:16

Sei vatzla fadrikla unna drunnah, un sei nesht favelka ovva droh.

Hiob 18:18

Eah is fumm licht in's dunkla gedrivva, un is vekk gedrivva funn di leit in di veld.

Hiob 20:26

Di dunkelheit is am voahra fa sei keshtlichi sacha, feiyah es nimmand blohst zayld een ufbrenna, es frest vass ivvahrich is in seim tent.

Hiob 22:20

Si sawwa, ‘Unsah feinda sinn abkshnidda, un vass ivvahrich is hott's feiyah ufgebrend.’

Hiob 31:12

Es veah vi en feiyah es alles fabrend, un dayt alles fadauva es ich habb.

Hiob 4:9

Bei Gott sei ohften kumma si um, un bei da vind funn sei zann kumma si an's end.

Hiob 5:14

Di dunkelheit kumd uf si deich da dawk; si feela iahra vayk in di mitt fumm dawk vi im dunkla.

Jesoiya 11:4

Avvah mitt gerechtichkeit zayld eah di oahma richta, un zayld eahlich sei mitt di aylendicha im land. Eah zayld di eaht shlauwa mitt em shtekka funn sei maul, un mitt sei ohften zayld eah di gottlohsa doht macha.

Jesoiya 30:33

En blatz funn feiyah voah shund lang grisht. Yau, eah voah grisht fa da kaynich. Dee feiyah-pitt voah deef un brayt gmacht mitt blendi feiyah un hols. Da ohften fumm Hah, so vi en brennichah shvevvel shtrayma zayld's ohshtekka.

Hosea 6:5

Fasell habb ich eich fahakt mitt mei brofayda, ich habb eich umgebrocht mitt di vadda funn mei maul; mei gericht is uf eich kumma vi licht.

Matthäus 22:13

No hott da kaynich ksawt zu di gnechta, ‘Binnet sei hend un sei fees un shmeiset een naus in's ausahsht dunkla. Datt doon leit heila un iahra zay zammah beisa.’

Matthäus 25:41

No zayld eah sawwa zu selli uf sei lingsi seit, ‘Gaynd funn miah vekk, diah fafluchti leit; gaynd in's ayvich feiyah es grisht is fa da Deivel un sei engel.

Matthäus 8:12

Avvah di kinnah fumm kaynich-reich zayla naus kshmissa sei in di ausahsht finshtahnis. Si zayla heila un di zay zammah beisa.”

2. Petrus 2:17

Dee mennah sinn brunna unni vassah un sinn volka es gedrivva sinn bei en shtoahm. En blatz in di deefsht finshtahnis is ayvichlich am kohva vadda fa si.

Judas 1:13

Si sinn vildi vella fumm say un iahra shohm is vi da shaum fumm say. Si sinn shtanna es ab funn iahra pawt kumma sinn, un di dunkel finshtahnis is am ayvichlich kohva vadda fa si.

Di Offenbarung 19:15

Aus seim maul kumd en shauf shvatt, un mitt demm shvatt hakt eah di leit in alli lendah nunnah. Eah zayld si roola mitt en root funn eisa, un eah drett di vei-press funn em heslicha zann fumm Awlmechticha Gott.