Hiob 14:7 - Pennsylvania Dutch Bible

⁷ Es hott hofning fa en bohm, vann eah nunnah kakt vatt, kann eah viddah ausshlauwa, un di neiya shprauts gayn nett doht.

Hiob 14:7 ပူးပေါင်းရင်းမြစ်များ

Hiob 14:14

Vann en mensh shteahbt, zayld eah viddah layva? Awl di dawwa funn mei shtreides voaht ich biss mei fa'ennahres kumd.

Hiob 14:6

So gukk vekk funn eem so es eah roo hott, biss eah sei zeit nei gedu hott vi en gedunganah gnecht.

Hiob 14:8

Even vann sei vatzla ald vadda im grund, un da shtumba gayt doht im drukkana bodda,

Hiob 19:10

Eah hott mich ivvahrawlich nunnah gebrocha biss ich faddich binn, eah hott mei hofning raus grissa vi en bohm.

Jesoiya 11:1

En blansa zayld uf kumma aus em shtamm fumm Jesse, en Nasht funn sei vatzla zayld frucht havva.

Jesoiya 27:6

In di dawwa am kumma zayld da Jakob eivatzla, Israel zayld bleeya un gree vadda, un zayld di gans veld filla mitt frucht.

Jesoiya 6:13

Doch zayld en zeyyadel dayl im land bleiva, avvah sell zayld viddah fadauva vadda. So vi da linda-bohm un da aycha-bohm shtumba shtay lossa vann si nunnah kshnidda vadda; so is da heilich sohma da shtumba im land.”

Daniel 4:12

Sei lawb voah shay un eah hott feel frucht katt. Dess voah ess-sach fa alli-ebbah. Di diahra fumm feld henn shadda kfunna unna drunnah, un di fekkel fumm himmel henn in sei nesht kokt. Alles es laybt voah kfeedaht bei demm bohm.

Daniel 4:15

Avvah loss en shtumba mitt di vatzla im grund un mitt en band funn eisa un bronze um een rumm. Loss een datt im graws fumm feld. Loss een nass vadda mitt em dau fumm himmel, un loss een draus sei mitt di diahra un em graws funn di feldah.