Hebräer 4:1 - Pennsylvania Dutch Bible

¹ Fasell, siddah es di fashpreching fa in sei roo nei gay alsnoch shtayt, vella uns feicha so es kens funn eich kfunna vatt fa katz falla difunn.

Hebräer 4:1 ပူးပေါင်းရင်းမြစ်များ

Shpricha 14:16

En mann mitt veisheit gebt acht un drayt vekk funn evil, avvah en dummah mann gebt nix drumm un is unbekimmaht.

Shpricha 28:14

Ksaykend is da mann es da Hah immah firchta dutt, avvah sellah es sei hatz hatt macht kumd in druvvel.

Jeremia 32:40

Ich mach dess ayvich bund mitt eena: Ich shtobb nee nett goot du zu eena, un ich mach es si mich firchta, so es si nee nett vekk drayya funn miah.

4. Mosi 14:34

Fa fatzich yoah, ay yoah fa alli dawk es diah's land ausksucht hend, zayla diah eiyah shuld drawwa. No finnet diah aus vi's is vann ich geyyich eich binn.’

Matthäus 24:48

Avvah vann en ungerechtah gnecht zu sich selvaht sawkt, ‘Mei meishtah is shpoht,’

Di Apostelgeschichte 3:19

So doond boos, drayyet funn eiyah sinda, un bekeahret eich, so es eiyah sinda ausgrivva vadda, un di zeit kumd es miah famohnd vadda fumm Hah;

Römer 11:20

Sell mecht so sei. Avvah si voahra abgebrocha deich iahra unglawva, un diah shtaynd yusht deich da glawva. So seind nett shtols, avvah feichet eich.

Römer 3:23

Fa alli-ebbah hott ksindicht, un langd nett di hallichkeit funn Gott.

1. Korinther 10:12

Fasell, loss sellah vo maynd eah shtayt, acht gevva es eah nett fald.

2. Korinther 6:1

Miah, dann, vo mitt-helfah sinn zu eem, famohna eich es diah di gnawdi Gottes nett ohnemmet fa nix.

Galater 5:4

Diah vo am broviahra sind gerecht gmacht sei deich's Ksetz, hend eich abkshnidda funn Christus; diah sind vekk kfalla funn di gnawt.

2. Timotheus 2:13

Vann miah nett glawva, doch bleibt eah shtandhaftich, fa eah kann sich selvaht nett falaykla.

Hebräer 12:15

Saynet ditzu es nimmand di gnawt funn Gott fafayld, un es kenn biddahri vatzel uf vaxt fa druvvel macha, un deich sell, es feel unrein gmacht vadda.

Hebräer 12:25

Saynet ditzu es diah deah ab-heichet vo shvetzt. Fa vann selli nett vekk kumma sinn mitt, vo's nett gedu henn fa een abheicha es kshvetzt hott uf di eaht, vi feel vennichah kenna miah vekk kumma mitt, vann miah een nett abheicha es shvetzt fumm Himmel.

Hebräer 13:7

Fagesset nett selli vo ivvah eich sinn, selli vo's Vatt Gottes ksawt henn zu eich. Nemmet acht funn iahra layva un machet eena nohch in iahra glawva.

Hebräer 3:11

So in meim zann habb ich kshvoahra, ‘Si sella nee nett in mei roo nei kumma.’”

Hebräer 4:11

So, vella hatt broviahra fa in sellah roo nei gay, so es nimmand falla soll bei eena nohch macha in iahra foah-gang funn unglawva.

Hebräer 4:9

So dann, es is noch en roo am voahra fa di leit funn Gott.

1. Samuel 2:30

Fasell sawkt da Hah Gott funn Israel, ‘Ich habb fashprocha es dei haus-halding un dei faddah sei haus-halding fannich miah lawfa sella fa'immah.’ Avvah nau sawkt da Hah, ‘'Sis veit funn miah; selli es mich eahra, zayl ich eahra; avvah selli es mich fa'achta zayla fa'acht vadda.