Hebräer 3:8 - Pennsylvania Dutch Bible

⁸ machet eiyah hatza nett hatt vi si henn vo si mich ausbroviaht henn am dawk vo si fasucht voahra in di vildahnis.

Hebräer 3:8 ပူးပေါင်းရင်းမြစ်များ

2. Kaynicha 17:14

Avvah si henn nett keicht un voahra dikk-kebbich vi iahra foah-feddah, dee es nett an da Hah iahra Gott geglawbt henn.

2. Chronik 30:8

Seind nett dikk-kebbich vi eiyah foah-feddah, avvah gevvet eich uf zumm Hah. Kummet in sei heilichah blatz es eah heilich gmacht hott fa'immah. Deenet da Hah eiyah Gott, so es sei gleedichah zann vekk drayt funn eich.

2. Chronik 36:13

Eah hott sich geyyich da Kaynich Nebukadnezar kshteld, even noch demm es eah kshvoahra katt hott bei Gott fa unnich eem shaffa. Eah is dikk-kebbich un hatt-hatzich vadda, un hott sei hatz nett zumm Hah, da Gott funn Israel, gedrayt.

Nehemia 9:16

Avvah unsah feddah voahra shtols, si henn sich kshteibaht un henn dei gebodda nett abkeicht.

Hiob 9:4

Eah hott grohsi veisheit un is mechtich, veah kann sich geyyich een shtella unni sich selvaht shawda du?

Psalm 106:14

Si henn glusht in di vildahnis, un henn Gott fasucht im drukka land.

Psalm 78:18

Si henn Gott fasucht in iahra hatza, bei frohwa fa ess-sach es si falangd henn.

Psalm 78:56

Doch henn si Gott fasucht, un henn geyyich da Alli-Haychsht kshaft; si henn sei gebodda nett kalda.

Psalm 95:8

fashtokket eiyah hatza nett vi diah hend an Meribah, adda an Massa sellah dawk in di vildahnis.

2. Mosi 17:7

Eah hott sellah blatz no Massa un Meribah kaysa veil di Kinnah-Israel kshtreit henn, un da Hah ausbroviaht henn bei sawwa, “Is da Hah do unnich uns adda nett?”

2. Mosi 8:15

Avvah vo da Pharao ksenna hott es si frei voahra funn di fresh, hott eah sei hatz viddah hatt gmacht un eena nett keicht. Dess voah grawt vi da Hah ksawt katt hott.

Shpricha 28:14

Ksaykend is da mann es da Hah immah firchta dutt, avvah sellah es sei hatz hatt macht kumd in druvvel.

Shpricha 29:1

En mann es oft gvand voah un is alsnoch dikk-kebbich, zayld bletzlich gebrocha sei unni hilf.

Jeremia 7:26

Avvah si henn mich nett abkeicht adda mich acht katt. Si henn sich kshteibaht un henn may evil gedu es iahra foah-feddah.’

Daniel 5:20

Avvah vo eah sei hatz ufkohva hott, un sei geisht hohchmeedich un shtols vadda glost hott, voah eah fumm kaynich-shtool kshtohsa un sei hallichkeit voah vekk gnumma funn eem.

4. Mosi 14:11

Un da Hah hott ksawt zumm Mosi, “Vee lang zayla dee leit mich fa'eiyahra? Vee lang zayla si's nett du fa an mich glawva, noch awl di zaycha es ich gedu habb unnich eena?

Matthäus 13:15

Dee leit iahra hatza sinn fashtokt. Si sinn hatt-heahrich un henn iahra awwa zu gmacht, so es si nett sayna kenna mitt iahra awwa, un heahra kenna mitt iahra oahra, un fashtay im hatz, un boos du so es ich si hayla kann.’

Di Apostelgeschichte 19:9

Avvah edlichi funn eena henn sich fashtokt un henn nett geglawbt. Vo si veesht kshvetzt henn veyyich em Vayk fumm Hah zu di leit, hott da Paulus falossa, hott di yingah datt vekk gnumma un hott alli dawk dee sacha fahandeld mitt eena im Tyrannus sei shool.

Di Apostelgeschichte 7:36

Da Mosi hott si raus gebrocht. Eah hott eena vundahra un zaycha gvissa in Egypta un am Rohda Say, un in di vildahnis fa fatzich yoah.

1. Korinther 10:9

Loss uns aw nett Christus fasucha vi samm funn eena henn un si sinn doht gmacht vadda bei shlanga.

5. Mosi 6:16

Diah sellet da Hah eiyah Gott nett fasucha vi diah een fasucht hend an Massa.

1. Samuel 6:6

Favass machet diah eiyah hatza hatt vi di Egyptah un da Pharao henn? Voah's nett vo eah sei macht gvissa hott zu eena es si di leit gay glost henn, un si sinn ganga?