Hebräer 12:6 - Pennsylvania Dutch Bible

⁶ Fa da Hah shtrohft selli es eah leeb hott, un gaysheld alli sohn es eah ohnemd.”

Hebräer 12:6 ပူးပေါင်းရင်းမြစ်များ

2. Samuel 7:14

Ich zayl sei faddah sei un eah zayld mei sohn sei. Vann eah letz dutt, shtrohf ich een mitt di root funn mensha un mitt di shlayk funn mensha.

Psalm 119:71

Es voah goot es ich gedaymeedicht voah, so es ich dei gebodda lanna habb kenna.

Psalm 119:75

Oh Hah, ich vays es dei richta gerecht sinn, un es du mich gedaymeedicht hosht veil du shtandhaftich bisht.

Psalm 94:12

Ksaykend is da mann es du shtrohfsht, oh Hah, un es du lansht fumm deim Ksetz.

Shpricha 13:24

Veah da shtekka shpoaht mitt seim boo hast een, avvah veah een leeb hott macht een heicha.

Shpricha 3:11

Mei kind, dray's nett nunnah vann da Hah dich recht setzt, un sei nett zannich vann eah dich shtrohft fa letz du.

Shpricha 3:12

Fa veah da Hah leeb hott, sellah dutt eah shtrohfa, grawt vi en faddah sei boo dutt vo eah frayt hott mitt.

Jesoiya 27:9

Dess is dann vi em Jakob sei sind fagevva vatt, un dess zayld di frucht difunn sei, es sei sinda vekk gnumma voahra: Vann eah moll di awldah-shtay macht vi ufgmawlani kallich-shtay, un kenn Ashera-poshta un insens awldahra may datt shtayn.

Jeremia 10:24

Shtrohf mich, Hah, avvah yusht vass recht is, nett in deim zann, adda sell veah's end funn miah.

Glawk-Leedah 3:39

Favass sett ennichah levendichah mensh glawwa vann eah kshtrohft vatt fa sei sinda?

5. Mosi 8:5

Visset dann in eiyah hatz es da Hah eiyah Gott eich recht setzt un shtrohft, grawt vi en mann sei boo land un shtrohft.

Jakobus 1:12

Ksaykend is da mann vo di fasuchung deich macht. Fa vann eah's geduldich deich macht, dann grikt eah da layves-krohn vo da Hah fashprocha hott zu selli vo een leeb henn.

Jakobus 5:11

Gukket moll, miah sawwa selli sinn ksaykend vo geduldich sinn. Diah hend keaht vi geduldich es da Hiob voah un hend ksenna vass da Hah endlich gedu hott. Diah kennet sayna es da Hah bamhatzich un goot-maynich is.

Di Offenbarung 3:19

Selli es ich leeb habb doon ich zanka un shtrohfa. So sei fleisich, dray rumm un du boos.

Ruth 1:3

No is da Elimelech, di Naomi iahra mann, kshtauva un see laynich voah ivvahrich mitt iahra zvay boova.