Habakuk 3:6 - Pennsylvania Dutch Bible

⁶ Eah is kshtanna, un hott di eaht kshiddeld, eah hott gegukt, un hott di heida gmacht ziddahra. Di ayvicha berga sinn fabrocha, un di alda hivla sinn zammah kfalla. Sei vayya sinn ayvich.

Habakuk 3:6 ပူးပေါင်းရင်းမြစ်များ

1. Mosi 49:26

Di sayya funn dei faddah sinn graysah es di sayya funn mei foah-eldra, un graysah es di goodi sacha funn di ayvicha hivla. Loss awl dee sayya uf em Joseph sei kobb kumma, un uf di shtann funn sellah es raus glaysa voah funn sei breedah.

Hiob 21:18

un si vekk geblohsa vi shtroh im vind, adda vi shprau es fatt gedrawwa vatt im shtoahm?

Hiob 9:5

Eah kann berga rumm setza un si vissa's nett, un kann si ivvah-drayya in seim zann.

Psalm 103:17

Avvah funn ayvichkeit zu ayvichkeit, is em Hah sei shtandhaftichi-leevi uf selli es een firchta, un sei gerechtichkeit mitt iahra kinds-kinnah—

Psalm 104:32

Eah gukt an di eaht, un si ziddaht, eah raykt di berga oh, un si shmohka.

Psalm 35:5

Loss si sei vi shprau im vind, un loss da engel fumm Hah si vekk yawwa.

Psalm 68:16

Favass gukket diah berga es feel shpitza henn, mitt fagunsht, an da berg vo's Gott kfellich is fa voona, datt vo da Hah voona zayld fa'immah?

Psalm 90:2

Eb di hivla gmacht voahra, un eb du di eaht un di veld kshaffa hosht, dann voahsht du Gott funn ayvichkeit zu ayvichkeit.

Psalm 97:5

Di berga fashmelsa vi wax fannich em Hah, fannich em Hah funn di gans eaht.

2. Mosi 15:14

Di leit zayla dess heahra un zayla sich feicha. Angsht kumd ivvah di leit funn Philishtia.

2. Mosi 15:15

Di evvahshti funn Edom zayla angsht havva, di foah-gengah funn Moab fanga oh shidla, un di leit funn Kanaan sinn matt mitt furcht.

2. Mosi 15:17

Du bringsht dei leit nei un blansht si uf da berg funn dei eahbshaft, oh Hah, da blatz es du gmacht hosht fa selvaht datt voona. Dess is da tempel-tent, oh Hah, es du gmacht hosht mitt dei hend.

2. Mosi 19:18

Da Berg Sinai voah zu gedekt mitt shmohk veil da Hah runnah kumma is in feiyah. Da shmohk is in di hay ganga vi funn en grohsah offa, un da gans berg hott veesht kshiddeld.

2. Mosi 21:31

Vann da ox en boo adda en maydel hanna dutt, dann soll's saym ding gedu vadda.

Jesoiya 51:6

Machet eiyah awwa uf zu di himla, gukket an di eaht unna droh; di himla zayla fagay vi shmohk, di eaht zayld ausveahra vi glaydah, un selli es drinn voona zayla shteahva un doht gay vi mukka. Avvah mei saylichkeit bleibt fa'immah un mei gerechtichkeit unni end.

Jesoiya 51:8

Fa di shawva fressa si vi glaydah, un di veahm fressa si vi vull. Avvah mei gerechtichkeit bleibt fa'immah, un mei saylichkeit funn layves-zeit zu layves-zeit.”

Micha 5:8

Selli es ivvahrich sinn aus em Jakob zayla unnich di heida kshtroit sei, unnich feel leit vi en layb unnich di diahra fumm bush, vi da yung layb unnich di shohf-drubba es si famawld un fareist vi eah gayt, un es nimmand shtobba kann.

Nahum 1:5

Di berga shidla fannich eem, un di hivla fagayn. Di eaht shiddeld vann eah bei kumd, di veld un awl selli es drinn voona.

Habakuk 1:12

Oh Hah, bisht du nett funn ayvichkeit heah? Mei Gott, mei Heilichah, hald uns funn shtauva. Oh Hah, du hosht si ufketzt fa uns richta; oh, unsah Felsa, du hosht si groofa fa uns shtrohfa.

Habakuk 3:10

Di berga henn dich ksenna, un henn kshiddeld. Es hohch vassah is fabei gloffa; es deef vassah hott grohsi yacht gmacht, un iahra vella voahra hohch.

Matthäus 24:35

Da Himmel un di eaht vadda fagay avvah mei vadda zayla nett fagay.”

Lukas 1:50

Un sei bamhatzichkeit is fa'immah un immah uf selli vo furcht henn fa een.

Di Apostelgeschichte 17:26

Eah hott funn ay bloot awl di sadda leit un kshlechtah gmacht es uf di gans eaht voona. Eah hott di zeida ksetzt, un hott foah-ksetzt grawt vo si voona sella,

5. Mosi 32:8

Vo da Alli-Haychsht di heida iahra eahbshaft gevva hott, vo eah awl di mensha fadayld hott, hott eah ausgmacht vo di leit voona sella bei vi feel Kinnah-Israel es es voahra.

5. Mosi 33:15

mitt di beshta sacha funn di alda berga, un di beshta kshenkah funn di ayvicha hivla;

Hebräer 13:8

Jesus Christus is es saym geshtah, heit un fa'immah.

Joshua 10:42

Da Joshua hott awl dee kaynicha un iahra lendah gnumma an ay zeit veil da Hah, da Gott funn Israel, kfochta hott fa Israel.

Richtah 5:5

Di berga henn kshiddeld fannich em Hah, deah funn Sinai, fannich em Hah, da Gott funn Israel.