Habakuk 2:20 - Pennsylvania Dutch Bible

²⁰ Avvah da Hah is in seim heilicha tempel; loss di gans eaht shtill sei fannich eem.”

Habakuk 2:20 ပူးပေါင်းရင်းမြစ်များ

Hiob 37:20

Sett's eem ksawt sei es ich shvetza vill? Veah ennich ebbah so dumm es eah ufkshlukt sei vett?

Psalm 11:4

Da Hah is in sei heilichah tempel; em Hah sei kaynich-shtool is im himmel. Sei awwa sayna, mitt sei awwa uf broviaht eah di kinnah funn mensha aus.

Psalm 115:3

Unsah Gott is im himmel, eah dutt ennich ebbes es eah vill.

Psalm 46:10

“Hayvet eich shtill, un visset es ich Gott binn. Ich zayl uf kohva sei bei di heida, ich zayl uf kohva sei in di eaht.”

Jesoiya 41:1

“Seind shtill un heichet mich ab, diah islands! Loss di leit iahra graft fashteika! Loss si nayksht kumma un shvetza; vella zammah kumma un mitt-nannah richta.

Jesoiya 6:1

Im yoah es da Kaynich Usia kshtauva is, habb ich da Hah ksenna. Eah hott uf en kaynich-shtool kokt es hohch uf kohva voah un da sohm funn sei rokk hott da tempel ufkfild.

Jesoiya 66:1

Dess is vass da Hah sawkt: “Da himmel is mei kaynich-shtool, un di eaht is mei foos-bank. So vass fa en haus kennet diah bauwa fa mich? Vass fa en blatz soll ich drinn roowa?

Jesoiya 66:6

Heichet di ufruah funn di shtatt, heichet di yacht fumm tempel! Dess is di yacht fumm Hah, am sei feinda shtrohfa fa vass zu eena heaht.

Jona 2:4

Ich habb gmaynd ich binn funn dei awwa vekk kshtohsa, avvah ich zayl viddah geyyich dei heilichah tempel gukka.

Jona 2:7

Vo mei layva am aus miah gay voah, habb ich an da Hah gedenkt, un mei gebayt is zu diah kumma, zu deim heilicha tempel.

Micha 1:2

Heichet, awl diah leit, heich, oh eaht un alles es drinn is. Gott da Hah zayld zeiya geyyich eich, da Hah funn sei heilichah tempel.

Habakuk 3:1

En gebayt fumm brofayt Habakuk fa di unshuldicha.

Zephania 1:7

Seind shtill fannich Gott da Hah, fa da dawk fumm Hah is nayksht. Da Hah hott en opfah grisht, un hott selli es kaysa voahra rein gmacht.

Sacharia 2:13

Seind shtill fannich em Hah, awl mensha, fa da Hah hott sich ufgraykt funn seim heilicha voon-blatz.”