Habakuk 2:16 - Pennsylvania Dutch Bible

¹⁶ Du zaylsht foll sei mitt shohm in blatz funn hallichkeit. So drink du nau un veis dei nakkichheit! Es kobli im Hah sei rechtsi hand kumd rumm zu diah, un shohm zayld dei hallichkeit zu dekka.

Habakuk 2:16 ပူးပေါင်းရင်းမြစ်များ

Psalm 75:8

Da Hah haybt en kobli in sei hand, kfild mitt shaumichah vei es goot gmixt is. Eah leaht's aus un awl di ungettlicha uf di eaht missa's drinka nunnah biss an da satz.

Shpricha 3:35

Leit mitt veisheit eahva hohchi eah, avvah di unksheida vadda fashohmd.

Jesoiya 20:4

so zayld da kaynich funn Assyria di kfangana funn Egypta un di fadrivvana funn Kush fatt fiahra. Yung un ald gleicha, zayla nakkich un boah-feesich rumm heah gay unni di shandlicha bletz fumm leib zu gedekt havva. Dess zayld en shohm sei fa Egypta.

Jesoiya 47:3

Dei nakkichheit vatt ksenna un dei shohm abgedekt. Ich zayl auseeva un nimmand zayld mich shtobba.”

Jesoiya 49:26

Ich feedah selli es eich nunnah dredda mitt iahra ayya flaysh; si vadda ksoffa mitt iahra ayya bloot vi mitt seesah vei. No sella awl mensha vissa es ich, da Hah, dei Heiland un Frei-Shtellah binn— da Mechtich Gott fumm Jakob.”

Jeremia 25:15

Dess is vass da Hah, da Gott funn Israel ksawt hott zu miah: “Nemm dess kobli funn mei hand es kfild is mitt em vei funn mei zann un mach awl di leit's drinka es ich dich shikk ditzu.

Jeremia 25:17

So habb ich's kobli funn sei hand gnumma un habb awl di leit gmacht's drinka es eah mich kshikt hott ditzu, naymlich:

Jeremia 51:57

Ich mach iahra feddahshti un mennah mitt veisheit ksoffa, un aw iahra evvahshti un hauptmennah un greeks-gnechta; si shlohfa ei un vekka nimmi uf.” So sawkt da Kaynich es Awlmechtich Hah hayst.

Jeremia 51:7

Babylon voah en goldich kobli im Hah sei hand, see hott di gans eaht ksoffa gmacht. Di heida henn iahra vei gedrunka un fasell sinn si aus em kobb ganga.

Glawk-Leedah 4:21

Froi dich un sei fraylich, oh Dochtah funn Edom, du es im land funn Uz voonsht. Avvah's kobli kumd aw rumm zu diah; du vasht ksoffa un zaylsht dich nakkich macha.

Ezekiel 23:33

Du vasht ksoffa un kfild mitt dreebsawl, es kobli haybt yammahres un angsht, dess kobli funn dei shveshtah Samaria.

Hosea 4:7

Vi may preeshtah es es voahra, vi may es si ksindicht henn geyyich mich; ich mach iahra hallichkeit zu shohm.

Hosea 7:5

Uf em fesht-dawk funn unsah kaynich, vadda di evvahshti ksoffa mitt vei, un eah shtrekt sei hend naus mitt di shpoddah.

Habakuk 2:10

Du hosht feel leit unnah gay gmacht, un hosht dei ayya haus fashohmd, un deich dess hosht ksindicht geyyich dich selvaht.

Habakuk 2:15

Vay zu eem es sei nochbahra drinka macht, un leaht fumm gifticha kobli biss si ksoffa sinn, so es eah si no nakkich sayna kann.

Philipper 3:19

Iahra end is di fadamnis, iahra bauch is iahra Gott, un iahra hallichkeit is in iahrem shohm. Iahra gedanka sinn uf veldlichi sacha.

Di Offenbarung 18:6

Gevvet zrikk zu iahra vi see gevva hott; betzawlet see zvay mohl zrikk fa vass see gedu hott. Fillet zvay mohl's kobli es see kfild hott.