Habakuk 1:4 - Pennsylvania Dutch Bible

⁴ Fasell is es ksetz fa'acht, un di leit iahra recht nee nett ufkohva. Di gottlohsa fensa di gerechta ei, un iahra recht vatt fadrayt.

Habakuk 1:4 ပူးပေါင်းရင်းမြစ်များ

1. Kaynicha 21:13

No henn si zvay nix-nutzichi mennah uf di annah seit funn eem kokt. Si henn da Naboth faglawkt fannich di leit un henn ksawt, “Da Naboth hott Gott un da kaynich faflucht.” No henn si een aus di shtatt gnumma un henn een doht kshtaynicht.

Hiob 21:7

Favass halda di gottlohsa oh layva, vadda ald un vadda mechtich mitt graft?

Psalm 11:3

Vann di foundations am fabrocha vadda sinn, vass kenna di gerechta du?”

Psalm 119:126

Es is zeit es du, da Hah, ebbes dusht, fa dei ksetz is am gebrocha vadda.

Psalm 22:12

Si sinn um mich rumm vi feel bulla, si henn mich umgringd vi shteiki bulla fumm land Basan.

Psalm 22:16

Di hund sinn um mich rumm, gottlohsi leit henn mich umringd. Si henn mei hend un fees deich kshtocha.

Psalm 59:2

Hald mich funn selli es evil shaffa, un hald mich vekk funn mensha es bloot fageesa.

Psalm 59:4

Ich habb nix letzes gedu, avvah si shpringa un setza sich geyyich mich; shtay uf un helf miah. Gukk moll vass am ohgay is.

Psalm 94:3

Vi lang sella di gottlohsa, oh Hah, vi lang sella di gottlohsa sich froiya?

2. Mosi 23:2

Du solsht dich nett mitt selli shtella vo's mensht sinn, fa letz du. Du solsht's gericht nett fadrayya bei's mensht funn di leit nohch gay, un falshi zeiknis gevva.

2. Mosi 23:6

Sei feah mitt oahmi leit vann du helfsht si richta in di court.

Jesoiya 5:20

Vay zu selli es evil goot haysa un's gooda evil haysa, selli es es dunkles licht haysa un's licht dunkles haysa, selli es biddah sees haysa un's seesa biddah haysa.

Jesoiya 59:12

Unsah ivvah-dreddes is ufkeifeld fannich diah; unsah sinda zeiya geyyich uns. Unsah ivvah-dreddes is immah bei uns, un miah vissa veyyich unsah sinda.

Jeremia 12:1

Du bisht immah gerecht, oh Hah, vann ich mich faglawk zu diah. Doch, muss ich dich frohwa veyyich dei gerichtes: Favass gayt's goot mitt di gottlohsa? Favass gayt alles di unglawvicha iahra vayk?

Jeremia 12:6

Fa even dei breedah un dei aykni family, even si henn dich falossa un shvetza laut geyyich dich. Drau eena nett, even vann si shay shvetza zu diah.

Jeremia 26:8

Avvah vo da Jeremia faddich voah awl di leit sawwa alles es da Hah een gebodda katt hott fa sawwa, henn di preeshtah, di brofayda un awl di leit een fesht gnumma un henn ksawt, “Du musht doht gmacht sei!

Jeremia 8:7

Da stork in di luft vayst vann's zeit is fa zrikk gay. Di daddel-daub, da shvalma un da crane gayn zrikk un faddi an di recht zeit fumm yoah. Avvah mei leit doon di gebodda fumm Hah nett vissa.

Ezekiel 9:9

No hott eah ksawt zu miah, “Di sinda fumm haus funn Israel un Juda sinn oahrich grohs; es land is foll bloot-fageeses, un di shtatt gebt nimmand sei recht. Si sawwa, ‘Da Hah hott's land falossa; da Hah saynd dess nett.’

Hosea 10:4

Si fashprecha feel sacha, un bei falsh shveahra macha si bunda; so, letzah roht fa di leit iahra recht kumd uf vi giftich veetz in en geblookt feld.

Amos 5:12

Fa ich vays vi oft es diah ivvah-dreddet, un vi grohs es eiyah sinda sinn. Diah drikket di gerechta nunnah un nemmet geld hinna rumm, un haldet di oahma funn iahra recht greeya in di richts-bletz.

Amos 5:7

Dess is fa eich es leit iahra recht zu biddahnis drayya, un di gerechtichkeit uf da bodda shmeisa.

Markus 7:9

Un eah hott ksawt zu eena, “Diah hend en shaynah vayk fa di gebodda funn Gott nunnah drayya un eiyah aykni gebodda uf hayva.

Di Apostelgeschichte 7:52

Voahra's ennichs funn di brofayda es eiyah foah-feddah nett fafolkt henn? Un si henn dee doht gmacht vo fanna naus ksawt henn es Deah Gerecht kumma zayld. Diah sind nau hee kumma es diah Deah Gerecht farohda hend un en doht gmacht.

Di Apostelgeschichte 7:59

Un vi si da Stephen kshtaynicht henn, hott eah Gott ohgroofa un ksawt, “Hah Jesus, nemm mei geisht zu diah.”

Römer 3:31

Doon miah dann's Ksetz nix veaht macha deich da glawva? Ich dayt moll nett denka! Miah gevva em Ksetz sei rechtah blatz.

5. Mosi 16:19

Diah sellet nett unnahshidlich sei in eiyah gericht, un sell vass recht is nett beeya. Diah sellet kenn kshenkah nemma hinna rumm, fa so kshenkah fablenna di awwa funn selli mitt veisheit un fadrayya di vadda funn di gerechta.