Glawk-Leedah 5:7 - Pennsylvania Dutch Bible

⁷ Unsah feddah henn ksindicht un layva nimmi, un miah missa iahra shtrohf nemma.

Glawk-Leedah 5:7 ပူးပေါင်းရင်းမြစ်များ

1. Mosi 42:13

Si henn eem no ksawt, “Dei gnechta sinn zvelf breedah, di boova funn ay mann im land funn Kanaan. Da yingsht is noch bei unsah faddah, un da annah is nimmi.”

1. Mosi 42:36

No hott da Jakob iahra daett ksawt zu eena, “Diah sind am mich rawva funn mei kinnah. Da Joseph is nimmi, un da Simeon is nimmi, un nau vellet diah da Benjamin aw nemma. Awl dee sacha sinn geyyich mich.”

Hiob 7:21

Favass fagebsht du nett mei ivvah-dreddes, un nemsht mei sinda vekk? Ich zayl glei nunnah in da shtawb leiya, du zaylsht gukka fa mich, avvah ich zayl nimmi sei.”

Hiob 7:8

Es awk es mich saynd zayld mich nimmi sayna, dei awwa gukka fa mich, avvah ich zayl nimmi sei.

2. Mosi 20:5

Du solsht dich nett nunnah bikka zu eena adda si deena, fa ich, da Hah dei Gott, binn en Gott es jealous is, un ich shtrohf di kinnah fa di sinda funn iahra feddah biss di dritt adda fiaht sett nohch-kummashaft funn selli es mich hassa.

Jeremia 14:20

Oh Hah, miah bekenna unsah gottlohs layva, un di sinda funn unsah feddah; miah henn ksindicht geyyich dich.

Jeremia 16:11

No sawk eena, ‘Es is veil eiyah feddah mich falossa henn,’ sawkt da Hah, ‘un veil si anri gettah nohch ganga sinn, henn si gedeend un ohgebayda. Si henn mich falossa un henn mei ksetz nett kalda.

Jeremia 16:12

Avvah diah hend eich noch shlimmah ohkshikt es eiyah feddah. Alli-ebbah funn eich gayt sei fashtokt un evil hatz nohch in blatz funn miah heicha.

Jeremia 31:15

Dess is vass da Hah sawkt: “En shtimm is keaht in Rama, en grohs veines un heiles; es is di Rachel am heila fa iahra kinnah, un see lost sich nett gedraysht sei, veil iahra kinnah nimmi do sinn.”

Jeremia 31:29

“In selli dawwa zayla di leit nimmi sawwa, ‘Di feddah henn savvahri drauva gessa, avvah's hott di kinnah iahra meilah savvah gmacht.’

Ezekiel 16:58

Dei shanda un di grausama sacha es du gedu hosht musht du drawwa,’ sawkt da Hah.

Ezekiel 18:2

“Vass mayna diah leit bei em sawwes veyyich em land funn Israel: ‘Di feddah henn savvahri drauva gessa, avvah di kinnah iahra meilah vadda savvah difunn’?

Sacharia 1:5

Vo sinn eiyah foah-eldra nau? Doon di brofayda noch layva?

4. Mosi 14:18

‘Da Hah is geduldich mitt grohsi bamhatzichkeit, un fagebt sinda un ivvah-dreddes. Avvah eah lost di shuldicha nett unkshtrohft gay; eah shtrohft di kinnah fa di sinda funn iahra feddah biss an di dritt un fiaht sett nohch-kummashaft.’