Glawk-Leedah 5:21 - Pennsylvania Dutch Bible

²¹ Bring uns zu diah, oh Hah, so es miah zrikk gay kenna; Mach unsah dawwa nei vi als difoah.

Glawk-Leedah 5:21 ပူးပေါင်းရင်းမြစ်များ

1. Kaynicha 18:37

Gebb miah andvat, oh Hah, gebb miah andvat so es dee leit vissa es du Gott bisht, oh Hah, un es du am iahra hatz zrikk drayya bisht.”

Psalm 80:19

Mach uns vass miah voahra, oh Hah, Almechtichah Gott; loss es licht funn dei ksicht uf uns sheina, so es miah kolfa sei kenna.

Psalm 80:3

Mach uns vass miah als voahra, oh Gott, un loss es licht funn dei ksicht uf uns sheina, so es miah kolfa sei kenna.

Psalm 80:7

Mach uns vass miah voahra, oh Almechtichah Gott, un loss es licht funn dei ksicht uf uns sheina, so es miah kolfa sei kenna.

Psalm 85:4

Bring uns zrikk, oh Gott, unsah Heiland, un du dei zann vekk geyyich uns.

Jesoiya 60:20

Dei sunn zayld nee nimmi unnah gay, un dei moon vatt nee nimmi glennah; da Hah zayld dei ayvich licht sei, un dei dawwa funn dreebsawl zayla enda.

Jeremia 30:20

Iahra kinnah zayla sei vi eahshtah, si vadda en aynichi leit un shtayn gegrund fannich miah; ich shtrohf selli es si nunnah dredda.

Jeremia 31:18

Ich habb da Ephraim keaht yammahra, un sawwa, ‘Du hosht mich kshtrohft vi en ungland hamli, un ich binn nau kshtrohft. Bring mich zrikk, ich vill zu diah kumma, veil du mei Hah un mei Gott bisht.

Jeremia 31:4

Ich zayl dich viddah ufbauwa, un du zaylsht gebaut sei, oh beleebt Israel. Du zaylsht viddah dei tambourine nemma un naus gay un dansa mitt di fraylicha.

Jeremia 33:10

Dess is vass da Hah sawkt: “Diah sawwet veyyich demm blatz, ‘Eah is veesht un leah, unni mensha un diahra.’ Avvah in di shtett funn Juda un in di shtrohsa funn Jerusalem es nau leah sinn, un kenn mensha adda diahra drinn henn;

Jeremia 33:13

In di shtett funn di saut, in di hivla un unna an di hivla nohch, im land Benjamin, in di shtetlen um Jerusalem rumm un in di shtett funn Juda, zayla di shohf-heedah viddah iahra shohf zayla vi si fabei eena gayn,” sawkt da Hah.

Ezekiel 36:37

Dess is vass da Awlmechtich Hah sawkt: Ich zayl aw's haus funn Israel lossa mich frohwa fa dess du fa si: Ich mach iahra leit so feel es shohf,

Habakuk 3:2

Hah, ich habb keaht vi hohch ohksenna es du bisht; un di verka es du dusht macha es ich mich feich, oh Hah. Du si viddah in unsah dawk, in unsah dawk loss si vissa gmacht sei, in dei zann, fagess nett bamhatzichkeit.

Maleachi 3:4

No zayla di opfahra funn Juda un Jerusalem kfellich sei zumm Hah so vi si als voahra in di yoahra lengah zrikk.