Glawk-Leedah 5:1 - Pennsylvania Dutch Bible

¹ Denk an uns, oh Hah, denk vass es gevva hott zu uns; gukk un sayn unsah shohm.

Glawk-Leedah 5:1 ပူးပေါင်းရင်းမြစ်များ

Nehemia 1:3

Si henn ksawt zu miah, “Selli vo noch ivvahrich sinn un nett kfanga voahra datt im land, sinn in deefah druvvel un shohm. Di shtatt-mavvah funn Jerusalem is nunnah gebrocha un iahra doahra fabrend mitt feiyah.”

Nehemia 1:8

Denk an's vatt es du gebodda hosht zu deim gnecht da Mosi un ksawt hosht, ‘Vann diah eich fasindichet un nett shtandhaftich sind, dann shtroi ich eich ausnannah unnich di heida,

Nehemia 4:4

Heich uns, oh unsah Gott, miah sinn am fashpott vadda. Dray iahra shpott zrikk uf iahra aykni kebb. Gebb si ivvah fa kfanga vadda in en fremd land.

Hiob 10:9

Denk droh es du mich gmacht hosht aus eaht. Zaylsht du mich nau viddah zu shtawb drayya?

Hiob 7:7

Fagess nett, oh Gott, es mei layva is vi en ohften, mei awwa zayla nee nimmi goodes sayna.

Psalm 119:153

Gukk an mei aylend un setz mich frei, fa ich habb dei ksetz nett fagessa.

Psalm 74:18

So denk droh vi dei feinda dich fashpott henn, oh Hah, un vi di unksheida leit dei nohma faleshtaht henn.

Psalm 79:12

Betzawl zrikk in di shohsa funn unsah nochbahra sivva mohl so feel shohm es si dich fashohmd henn mitt, oh Hah.

Psalm 79:4

Miah sinn en shpott gmacht zu unsah nochbahra; selli um uns rumm shpodda un lacha ivvah uns.

Jesoiya 62:6

Ich habb vatsh-mennah uf dei mavvahra gedu, oh Jerusalem, si zayla nee nett shtill sei, dawk un nacht. Diah es ohhaldet da Hah droh gmohna, nemmet kenn roo selvaht.

Jeremia 15:15

“Du fashtaysht, oh Hah, denk an mich un gebb acht uf mich. Nemm's aus uf mei fafolkah fa mich. Du bisht geduldich, nemm mich nett vekk, denk droh es ich am fashpott vadda binn fa dei sayk.

Jeremia 51:51

Diah sawwet, ‘Miah sinn fashohmd veil miah fashpott vadda sinn; miah dekka unsah ksichtah zu mitt shohm veil fremdi nei in di heilicha bletz fumm Hah sei haus ganga sinn.’”

Glawk-Leedah 1:11

Awl iahra leit yammahra, diveil es si sucha fa broht. Si fahandla iahra keshtlich sach fa ess-sach, so es si levendich bleiva kenna. “Gukk moll, oh Hah, un denk drivvah, vi oahrich es ich fa'acht binn.

Glawk-Leedah 1:20

Gukk moll, oh Hah, vi bang es es miah is! Ich binn innahlich engshtlich, un mei hatz drayt sich ivvah in miah, veil ich mich veesht kshteibaht habb. In di shtrohs macht's shvatt em bedreebt, un im haus is yusht da doht.

Glawk-Leedah 1:9

Iahra unreinichkeit hott an da sohm funn iahra rokk kanka, avvah see hott sich nix bekimmaht veyyich vo dess anna fiaht. Iahra fall voah shreklich, un's voah nimmand fa see drayshta. “Oh Hah, gukk an mei aylend, da feind hott ivvah-gnumma.”

Glawk-Leedah 2:15

Awl selli es an diah fabei gayn shlauwa iahra hend zammah ivvah dich, si shpodda un shidla iahra kebb an di Dochtah Jerusalem. Si sawwa. “Is dess di shtatt es es hayst, see is es alli-shensht, un di frayt funn di gans eaht?”

Glawk-Leedah 2:20

Gukk moll, oh Hah, un denk drivvah, veah hosht du selayva kshtrohft vi dess? Sedda di veibsleit iahra kinnah essa, di kinnah es si acht gevva henn druff? Sett da preeshtah un da brofayt doht gmacht sei im tempel fumm Hah?

Glawk-Leedah 3:19

Denk droh vi aylendich un falossa es ich binn, so biddah es gall un gift.

Glawk-Leedah 3:50

biss da Hah runnah gukt fumm himmel un's saynd.

Glawk-Leedah 3:61

Oh Hah, du hosht di veeshta sacha keaht es si sawwa, un awl iahra shkeems geyyich mich—

Habakuk 3:2

Hah, ich habb keaht vi hohch ohksenna es du bisht; un di verka es du dusht macha es ich mich feich, oh Hah. Du si viddah in unsah dawk, in unsah dawk loss si vissa gmacht sei, in dei zann, fagess nett bamhatzichkeit.

Lukas 23:42

No hott eah ksawt zu Jesus, “Hah, denk an mich vann du in dei Kaynich-Reich kumsht.”