Glawk-Leedah 4:8 - Pennsylvania Dutch Bible

⁸ Avvah nau sinn si shvatzah es offa-roos, si sinn nett gekend in di shtrohsa. Iahra haut vatt runslich uf iahra gnocha, see vatt drukka es vi en shtikk hols.

Glawk-Leedah 4:8 ပူးပေါင်းရင်းမြစ်များ

Hiob 19:20

Mei gnocha henka zu mei haut un flaysh, ich binn yusht gnabs deich kumma mitt meim layva.

Hiob 2:12

Vo si een ksenna henn funn noch veit ab, henn si een nett gekend. No henn si ohkfanga laut veina, henn iahra glaydah farissa un henn shtawb geyyich da himmel kshmissa un uf iahra kebb.

Hiob 30:30

Mei haut drayt shvatz, un mei gnocha brenna mitt feevah.

Hiob 33:21

Sei flaysh fazeaht vekk zu nix, un sei gnocha es ma nett sayna hott kenna, shtekka nau raus.

Psalm 102:11

Mei dawwa sinn vi da ohvet shadda, un ich fadatt vi graws.

Psalm 119:83

Ich binn am vadda vi en leddah vei-sakk im shmohk, avvah doch ich habb dei gebodda nett fagessa.

Psalm 32:4

Dawk un nacht voah dei hand shveah uf miah, mei graft voah ufgedrikkeld, vi in di hitz fumm summah. (Sela)

Psalm 38:3

Es is nix ksundes in meim leib deich dei zann, un's is kenn fridda in mei gnocha deich mei sinda.

Jesoiya 52:14

Feel voahra fashtaund vo si een ksenna henn, sei leib voah so faveesht es es nett gegukt hott vi en mensh, adda vi's leib funn mensha-kinnah.

Glawk-Leedah 5:10

Unsah haut is fabrend es vi in en offa, funn demm shreklicha hungah.

Joel 2:6

Fannich eena sinn leit engshtlich; alli ksicht vatt blayich.

Nahum 2:10

Di shtatt is grawbt un leah gmacht! Hatza shmelsa un gnee globba zammah, si ziddahra, un iahra ksichtah vadda blayich.

Lukas 10:11

‘Even da shtawb funn eiyahra shtatt vo an unsah fees henkt butza miah ab geyyich eich; avvah diah sellet vissa es es Kaynich-Reich funn Gott nayksht bei eich is.’